రూ.900, రూ.800 నాణేలు ఉన్నాయని మీకు తెలుసా.. భలే ఉన్నాయే, ఎక్కడ దొరుకుతాయంటే!

రూ.900, రూ.800 నాణేలు గురించి మీకు తెలుసా.. అదెలా సాధ్యం అనుకుంటున్నారా. నిజమే రూ.900, రూ.800 నాణేలు కూడా ఉన్నాయి.. ఏపీకి చెందిన వ్యక్తి దగ్గర ఈ నాణేలు ఉన్నాయి. ఆయనకు నాణేలను సేకరించడం అలవాటు.. అందుకే వీటిని కొనుగోలు చేసి తెప్పించుకున్నారు. దీంతో అంత పెద్ద అమౌంట్‌కు నాణేలు కూడా ఉన్నాయా అంటూ చర్చ జరుగుతోంది. దేశంలో తొలిసారి రూ.800, రూ.900 నాణేలను విడుదల చేశారట. ఈ విషయం తెలిసి తాను రెండు నాణేలను కొనుగోలు చేసి ప్రత్యేకంగా తెప్పించుచుకున్నట్లలు చెబుతున్నారు. శ్రీపొట్టిశ్రీరాములు నెల్లూరు జిల్లా అనుమసముద్రంకు చెందిన మహ్మద్‌ వాయిస్‌ నాణేలను సేకరించడం హాబీ. ఈ ఏడాది ముంబై మింట్ జైన తీర్థంకరుడు పార్శ్వనాథుడి జయంతిని పురస్కరించుకొని ఈ నాణేలను ముద్రించి విడుదల చేసిందని మహ్మద్ చెబుతున్నారు. రెండు రకాల నాణేల బరువు 40 గ్రాములు ఉన్నాయని.. వీటిని వెండితో తయారుచేశారని తెలిపారు. ఫిబ్రవరి 20న ఆన్‌లైన్‌లో ఆర్బీఐ వెబ్‌సైట్‌లో రూ.900, రూ.800 నాణేలు విక్రయానికి పెట్టగా కొనుగోలు చేసినట్లు చెప్పారు. మార్చి 10న తనకు ఈ రెండు నాణేలు అందాయని.. ఇప్పటికే మహ్మద్ దగ్గర 170 దేశాలకు చెందిన నాణేలు, కరెన్సీలు ఉన్నాయి. ఇప్పుడు రూ.900, రూ.800 నాణేలు కూడా వచ్చి చేరాయి. అంతేకాదు డాక్టర్ బీఆర్ అంబేద్కర్ కోనసీమ జిల్లా అమలాపురానికి చెందిన నాణేల సేకరణ కర్త పుత్సా కృష్ణ కామేశ్వర్‌ కూడా ఈ రూ.900, రూ.800 నాణేలను సేకరించారు. వీటిని ప్రత్యేక ఆర్డర్‌పై సేకరించారు. కృష్ణ కామేశ్వర్‌‌కు నాణేలను సేకరించడం అలవాటు.. దీంతో ఆయన ప్రత్యేకంగా ఆర్డర్ చేసి మరీ ఈ రూ.900, రూ.800 నాణేలను తెప్పించుకున్నారు. అనంతపురం జిల్లాకు చెందిన మరో ఉపాధ్యాయుడు పురాతన నాణేలు, కరెన్సీని సేకరిస్తున్నారు. ఉరవకొండ జిల్లాపరిషత్ ఉన్నత పాఠశాలలో నాగభూషణం ఉపాధ్యాయుడు.. దివ్యాంగుడైనప్పటికీ చిన్నతనం నుంచే పురాతన నాణేలు, కరెన్సీని సేకరించేవారు. ఆయన ఏకంగా 247 దేశాల పురాతన నాణేలు, కరెన్సీ సేకరించారు. ఆయన చిన్నతనం నుంచి ఇంట్లో తల్లిదండ్రులు ఇచ్చే 10 పైసలు, పావలా నాణేలను జాగ్రత్తగా దాచిపెట్టుకోవడం అలవాటుగా మార్చుకున్నారు. అలా ఆయన దేశవ్యాప్తంగా ఎక్కడ పురాతన నాణేలు, కరెన్సీ ఎగ్జిబిషన్, అమ్మకాలు జరిగినా వెళ్లి వాటిని కొనుగోలు చేయడం అలవాటు. నాగభూషణం ఆర్బీఐ విడుదల చేసిన అన్ని సీరీస్ నాణేలు, ప్రింట్ సరిగా లేని కరెన్సీని కూడా కొనుగోలు చేస్తున్నారు. ఆయన తాను పనిచేస్తున్న స్కూల్‌లో.. తన దగ్గర ఉన్న పురాతన నాణేలు, కరెన్సీని విద్యార్థుల కోసం ఎన్నోసార్లు ప్రదర్శనగా ఉంచారు.

2025-03-13T00:36:11Z