అల్లం,దాల్చినచెక్కతో తయారుచేసిన డ్రింక్ తాగితే షుగర్ కంట్రోల్ అవుతుందా, డాక్టర్స్ చెప్పే నిజమిదే

ఇన్‌స్టాగ్రామ్‌లోని ఓ వీడియోలో ఓ డ్రింక్ రెసిపీ గురించి చెబుతున్నారు. దీనిని తీసుకోవడం వల్ల షుగర్ లెవల్స్ కంట్రోల్ అవుతున్నాయని చెబుతున్నారు. ఆ డ్రింక్‌ని ఎలా ప్రిపేర్ చేయాలంటే ఓ ఇంచు అల్లాన్ని శుభ్రంగా క్లీన్ చేసి ముక్కలుగా కట్ చేయాలి. రెండు నిమ్మకాయల్ని కూడా చిన్న చిన్న ముక్కలుగా కట్ చేయాలి. ఓ గిన్నె తీసుకుని అందులో అల్లం, నిమ్మకాయ ముక్కల్ని వేయాలి. అందులోనే ఓ టీస్పూన్ దాల్చిన చెక్క పొడి, అర టీ స్పూన్ పసుపు చల్లాలి. తర్వాత వీటన్నింటిని అరలీటర్ నీటిలో వేసి 5 నిమిషాల పాటు మరిగించాలి. తర్వాత ఫిల్టర్ చేయాలి. ఈ డ్రింక్‌ని మొత్తాన్ని వడగట్టి తర్వాత అందులో కొద్దిగా తేనె కలపాలి

ఎప్పుడు తాగాలిఇలా తయారైన డ్రింక్‌ని రోజుకి 2 సార్లు చొప్పున మూడు వారాల పాటు రెగ్యులర్‌గా తీసుకుంటే మీ రక్తంలో చక్కెర స్థాయిలు కంట్ అవుతాయని, దీనిని తీసుకోవడం వల్ల ఇన్సులిన్ సెన్సిటివిటీ పెరుగుతుందని, భోజనం తర్వాత తీసుకుంటే రిజల్ట్ ఉంటుందని పోస్ట్‌లో చెబుతున్నారు. ఈ డ్రింక్ తాగితే షుగర్ లెవల్స్ కంట్రోల్ అవుతాయని, జీవక్రియ మెరుగ్గా ఉంటుందని వీడియోల చెబుతున్నారు. ఇది నిజమేనా తెలుసుకోవడానికి ఫ్యాక్ట్ చెక్ టీమ్ డాక్టర్ స్పూర్తి అరుణ్ MD, FACP, (మేనేజెంగ్ డైరెక్టర్, ఇంటర్నల్ మెడిసిన్, ప్రోమెడ్ హాస్పిటల్, చెన్నై)ని సంప్రదించింది.డాక్టర్ ప్రకారంఇన్‌స్టా రీల్‌లో చూపించిన డ్రింక్‌లో అల్లం, నిమ్మకాయ, దాల్చిన చెక్క, పసుపుతో పాటు తేనెలు ఉన్నాయి. సాధారణంగా మెంతులు, దాల్చిన చెక్కలో షుగర్‌ని కంట్రోల్ చేసే గుణాలు ఉంటాయి. కానీ, దీని వల్లే షుగర్ తగ్గుతుందనుకోవద్దని డాక్టర్ చెబుతున్నారు. కాబట్టి, ఈ రీల్‌లో చెప్పింది సగం మాత్రమే వాస్తవం. షుగర్ ఉన్నవారు వర్కౌట్ చేయకుండా, సరైన ఫుడ్ డైట్ ఫాలో అవ్వకుండా ఈ డ్రింక్ తాగితే ఫలితం శూన్యం. కొన్ని పరిశోధనల ప్రకారం ఇలాంటి మూలికలు రక్తంలో చక్కెరని తక్కువ మొత్తంలో మాత్రమే కంట్రోల్ చేసే గుణాలు కలిగి ఉంటాయి. కాకపోతే వీటి వల్ల ఎలాంటి సైడ్ ఎఫెక్ట్స్ ఉండవు. డాక్టర్ సలహా తీసుకుని సరైన మెడిసిన్ తీసుకుంటూ, మంచి లైఫ్‌స్టైల్ ఫాలో అయితేనే షుగర్ లెవల్స్ కంట్రోల్ అవుతాయి. దీంతో పాటు ఈ డ్రింక్ తాగితే కొద్దిగా రిజల్ట్ ఉంటుంది. అయితే, ఈ డ్రింక్‌ తియ్యగా ఉండేందుకు తేనెని కలుపుతారు. తేనెలో కూడా గ్గైసెమిక్ ఇండెక్స్ ఉంటుంది. కాబట్టి, దీని వల్ల కూడా షుగర్ లెవల్స్ కూడా పెరుగుతాయి. కాబట్టి, తేనె కలపొద్దు. ఎవరు తాగాలిడాక్టర్ ప్రకారం కుటుంబంలో ఆల్రెడీ షుగర్ ఉన్నవారు, ప్రీడయాబెటిస్ ఉన్నవారు ఈ డ్రింక్‌ని తాగొచ్చు. అయితే, ఎప్పుడు కూడా కాదు. వారానికి రెండు లేదా మూడు రోజులు తాగి తర్వాత పెంచుకుంటూ పోవచ్చు. ఈ డ్రింక్‌తో జీర్ణ సమస్యలొస్తే డాక్టర్ సలహాతోనే తీసుకోవాలి.

2025-02-04T17:24:11Z