మామూలు బెల్లం కాదు.. తాటి బెల్లం తింటే ఏమౌతుందో తెలుసా?

చక్కెర కంటే బెల్లమే ఆరోగ్యానికి మంచి చేస్తుందన్న ముచ్చట అందరికీ తెలుసు. కానీ తాటి బెల్లం తింటే కలిగే లాభాలు మాత్రం చాలా మందికి తెలియవు. మీకు తెలుసా? తాటి బెల్లం తినడం వల్ల ఒకటి కాదు రెండు కాదు ఎన్నో ఆరోగ్య ప్రయోజనాలు కలుగుతాయి. అవేంటో తెలుసుకుందాం పదండి.

 

మెరుగైన జీర్ణక్రియ

తాటి బెల్లం తినడం వల్ల మనకు కలిగే ప్రధాన ఆరోగ్య ప్రయోజనాల్లో.. ఆహార జీర్ణక్రియకు సహాయపడే సామర్థ్యం ఒకటి. ఈ బెల్లాన్ని తినడం వల్ల ప్రేగు కదలికలను నియంత్రిణలో ఉంటాయి. మలబద్దకం, గ్యాస్ వంటి జీర్ణక్రియకు సంబంధించిన సమస్యలన్నీ తగ్గిపోతాయి. 

 

పుష్కలంగా పోషకాలు

తాటి బెల్లంలో మన శరీరానికి అవసరమైన పోషకాలు పుష్కలంగా ఉంటాయి. దీనిలో మెగ్నీషియం, ఇనుము, కాల్షియం, పొటాషియంతో పాటుగా ఎన్నో రకాల విటమిన్లు, ఖనిజాలు పుష్కలంగా ఉంటాయి.

 

ఇమ్యూనిటీ 

తాటి బెల్లంలో యాంటీ ఆక్సిడెంట్లు మెండుగా ఉంటాయి. ఇవి మన రోగనిరోధక శక్తిని బలోపేతం చేయడానికి, అంటు వ్యాధులతో పోరాడటానికి సహాయపడతాయి. తాటి బెల్లాన్ని తింటే దగ్గు, జలుబు, జ్వరం వంటి చిన్నచిన్న అంటువ్యాధులు, వ్యాధులు సోకే ప్రమాదం చాలా తక్కువగా ఉంటుంది. 

రక్తంలో చక్కెర 

తాటి బెల్లాన్ని మధుమేహులు కూడా ఎంచక్కా తినొచ్చు. తాటి బెల్లంలో తెల్ల చక్కెరతో పోలిస్తే తక్కువ గ్లైసెమిక్ ఇండెక్స్ ఉంటుంది. అంటే ఇది రక్తంలో చక్కెర స్థాయిలను వేగంగా పెంచదు. కానీ డయాబెటీస్ ఉన్నవారు దీన్ని తక్కువగా తినాలి. 

బరువు తగ్గడానికి 

తాటి బెల్లంలో ఫైబర్ కంటెంట్ ఎక్కువగా కేలరీలు తక్కువగా ఉంటాయి. అందుకే బరువు తగ్గాలనుకునేవారికి తాటి బెల్లం బాగా ఉపయోగపడుతుంది. బరువు తగ్గాలనుకునేవారు దీన్ని రోజూ లిమిట్ లో తింటే మంచి ప్రయోజనాలను పొందుతారు. 

2024-07-09T06:31:32Z dg43tfdfdgfd