CASTOR OIL BEAUTY BENEFITS: ఆముదంతో అందంగా మెరిసిపోదమిలా..!
Castor Oil Beauty Benefits: ఆముదం అందాన్ని పెంచడానికి సహాయపడుతుందని నిపుణులు చెబుతున్నారు.
Castor Oil Beauty Benefits: ఆముదం ఆరోగ్యానికి మేలు చేస్తుందని విన్నాం. ఇది సౌందర్య సంరక్షణకు తోడ్పడుతుందని మీకు తెలుసా? ఆముదంలోని ఇందులో రిసినోలిస్ యాసిడ్ సంవృద్ధిగా ఉంటుంది, ఇది యాంటీఇన్ఫ్లమేటరి, యాంటీబ్యాక్టీరియల్, యాంటీ ఫంగల్ లక్షణాలు ఉంటాయి. ఈ లక్షణాలు సౌందర్య పోషణకు సహాయపడతాయి. చర్మ సంరక్షణకు, అందంగా మెరిసిపోవడానికి.. బ్యూటీ కేర్‌లో ఆముదాన్ని ఎలా యూడ్‌ చేసుకోవాలో ఈ స్టోరీలో చూద్దాం.
మొటిమలకు చెక్‌ పెడుతుంది..
ఆముదం నూనె యాంటీ మైక్రోబియల్, యాంటీ ఇన్ఫ్లమేటరీ లక్షణాలు ఉంటాయి. ఇవి మొటిమలు, బ్లాక్ హెడ్స్ రాకుండా రక్షిస్తాయి. మొటిమలతో బాధపడేవారు రోజూ ఉదయాన్నే గోరువెచ్చటి ఆముదాన్ని ముఖానికి మర్దన చేసుకుంటే.. మంచి రిజల్ట్స్‌ ఉంటాయి.
Tips to get rid of acne spots: మొటిమల మచ్చలు పోవాలంటే.. ఈ టిప్స్‌ ఫాలో అవ్వండి..!
ముడతలు తగ్గిస్తుంది..
ఆముదం నూనెలో ఫ్యాటీ యాసిడ్స్‌ పుష్కలంగా ఉంటాయి. రోజూ ఆముదం రాసుకోవడం వల్ల చర్మానికి అవసరమైన స్థాయిలో తేమ అందుతుంది. ఫలితంగా చర్మం తాజాగా కనిపిస్తుంది. అలాగే తేమ తగ్గడం వల్ల ఏర్పడే సన్నని గీతలు కూడా తగ్గుముఖం పడతాయి. చర్మం ముడతలు పడకుండా చేయడానికి కూడా ఆముదం ఉపకరిస్తుంది. అందుకే దీన్ని 'యాంటీ ఏజింగ్' చికిత్సల్లో కూడా ఉపయోగిస్తూ ఉంటారు.
పెదవులకు..
పొద్దున లేచినప్పుడు లేదా రాత్రి పడుకునే ముందు ఒక చుక్క ఆముదాన్ని పెదవులకు రాసుకుంటే కొద్ది రోజుల్లోనే లేలేత, కోమలమైన పెదవులు మన సొంతమవుతాయి. ఆముదం సహజసిద్ధమైన లిప్‌బామ్‌గా ఉపయోగపడుతుంది.
Hair Care: జుట్టు పలచబడుతోందా? ఈ టిప్స్‌ ఫాలో అవ్వండి..!
చర్మ సమస్యలకు చెక్‌..
యూవీ కిరణాల కారణంగా సన్‌బర్న్ సమస్యతో పాటు మొటిమలు, పొడిచర్మం వంటి సమస్యలు ఎదురవుతాయి. ఈ సమస్యలకు చెక్‌ పెట్టడానికి ఆముదం సహాయపడుతుంది. రోజూ ఆముదం అప్లై చేసుకుంటే.. చర్మ సమస్యలు దూరం అవుతాయి. ఆముదానికుండే యాంటీ అలర్జిక్ గుణం వల్ల అలర్జీల బెడద కూడా ఉండదు.
కనుబొమ్మలు ఒత్తుగా పెరుగుతాయి..
కొంతమంది అమ్మాయిలకి కనుబొమ్మలు, రెప్పలు చాలా పలుచగా ఉంటాయి. ఇలాంటివారు రోజూ రాత్రి పడుకునే ముందు ఆముదాన్ని రాసుకోవడం వల్ల క్రమేపీ వాటిలో ఎదుగుదల ఉంటుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.