ELBOW DARKNESS REMOVAL: మోచేతులు నల్లగా మారాయా..? ఈ టిప్స్‌ ఫాలో అవ్వండి..!

​Elbow Darkness Removal: చాలా మంది అమ్మాయిలు మోచేతులు, కాలిమడమల నలుపుతో ఇబ్బంది పడుతూ ఉంటారు. కొన్ని టిప్స్‌ ఫాలో అయితే.. మోచేతుల నలుపు తొలగుతుంది. 

​Elbow Darkness Removal: కోమలంగా మెరిసే చర్మం కావాలని అమ్మాయిలు కోరుకుంటూ ఉంటారు. ముఖం, చేతులు, పెదవులు, కాళ్ల అందంపై ప్రత్యేక దృష్టి పెడుతూ ఉంటారు. అయితే, చాలామంది అమ్మాయిలు మోచేతులు, కాలిమడమల చర్మంపై నిర్లక్ష్యంగా ఉంటారు. దీని కారణంగా చర్మం నల్లగా, గరుకుగా మారుతూ ఉంటుంది. దీనికారణంగా మోచేతులు, కాలిమడమలు అందవిహీనంగా మారుతూ ఉంటాయి. మోచేతులు, కాలిమడమల చర్మం మృదువుగా, తెల్లగా మారడానికి కొన్ని టిప్స్‌ ఫాలో అవ్వాలి. అవేంటో తెలుసుకోవాలంటే.. ఈ స్టోరీ చదివేయండి.​

పెసరపిండి, నిమ్మరసం..

మోచేతులు, కాలిమడమల నలుపుదనం పోయి, మృదువుగా మారాలంటే.. పెసరపిండిలో కొంచెం నిమ్మరసం, బేబీ ఆయిల్‌ వేసి మిక్స్‌ చేయండి. ఈ మిశ్రమాన్ని ప్రభావితం ప్రాంతంలో అప్లై చేయండి. కొంచెం సేపు ఆరనిచ్చి.. చేతులు నీటితో తడుపుతూ మృదువుగా రబ్‌ చేయాలి. ఇలా చేస్తే చర్మానికి తేమ అందుతుంది. డెడ్‌సెల్స్‌ తొలగి మోచేతులు మృదువుగా, తెల్లగా మారతాయ్. (image source - pixabay)

Lip Care:అధరాల అందం అదిరేలా.. ఈ టిప్స్‌ ఫాలో అవ్వండి..!

నిమ్మరసంతో..

రోజూ స్నానానికి ముందు మోచేతులకు, కాలిమడమలకు నిమ్మరసం రాసి, పది నిమిషాలు ఉంచాలి. నిమ్మ మంచి క్లెన్సర్‌గా పనిచేసి మృతకణాలను సమర్థంగా తొలగిస్తుంది. నిమ్మరసం.. చర్మాన్ని కాంతివంతంగా మారుస్తుంది, నలుపు రంగును విరుస్తుంది. ఇలా రోజూ చేస్తే.. నలుపు తగ్గుముఖం పడుతుంది.

టీ స్పూన్‌ కొబ్బరి నూనె, అర టీ స్పూన్‌ నిమ్మరసం కలిపి మోచేతులు, మోకాళ్లపై రాసి వేడి టవల్‌తో తుడవాలి. ఇలా తరచుగా చేస్తూ ఉంటే.. మృదువుగా మారతాయి.

నిమ్మచెక్కను ఉప్పులో ముంచి రుద్దినా మోచేతులపై ఉన్న నలుపును తగ్గించుకోవచ్చు.​

కొబ్బరినూనె..

కొబ్బరినూనెలో ఉండే పోషకాలు చర్మాన్ని మృదువుగా మారుస్తాయి. రోజూ స్నానం చేసిన వెంటనే మోచేతులు, మోకాళ్లపై కాస్త కొబ్బరినూనె రాసుకొని రెండు నిమిషాల పాటు మసాజ్‌ చేసుకోవాలి. ఇలా రోజూ చేస్తే.. ఆ ప్రాంతాలలో చర్మం మృదువుగా మారుతుంది. ​

Anti - Aging Foods: మీ వయస్సు తగ్గించే ఆహారాలు ఇవే..!

నువ్వుల నూనెతో..

నువ్వుల నూనెలో చర్మాన్ని మృదువుగా ఉంచే సుగుణాలు పుష్కలంగా ఉన్నాయి. వారానికోసారి స్నానానికి నువ్వుల నూనె ఉపయోగిస్తే.. చర్మానికి కావల్సిన ఫ్యాటీ యాసిడ్స్‌ అంది, మృదువుగా అవుతుంది. మోచేతులు, కాలిమడమల వద్ద తరచుగా నువ్వుల నూనె అప్లై చేయండి. (image source - pixabay)

కలబంద..

కలబంద గుజ్జును నల్లగా ఉన్న మోచేతులకు, మోకాళ్లకు అప్లై చేయండి. రాసుకోవాలి. ఇరవై నిమిషాల పాటు ఆరనిచ్చి, గోరువెచ్చని నీటితో శుభ్రం చేసుకోండి. ఇలా రోజుకి రెండు సార్లు క్రమం తప్పకుండా చేస్తూ ఉంటే మంచి రిజల్ట్స్‌ ఉంటాయి. కలబందలోని పోషకాలు చర్మాన్ని మృదువుగా, కాంతివంతంగా మారుస్తాయి. (image source - pixabay)​

Skincare Tips: వారం రోజులు ఈ డైట్‌ ఫాలో అయితే.. గ్లోయింగ్‌ స్కిన్‌ మీ సొంతం..!

గమనిక:

ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.