SOAKED ALMONDS : బాదంపప్పుని ఎందుకు నానబెట్టి తినాలంటే..

Soaked Almonds : బాదంపప్పు ఆరోగ్యానికి చాలా మంచిది. దీనిని సరిగ్గా తీసుకుంటే శరీరానికి ఎన్నో పోషకాలు అందుతాయి. దీనిని ఎలా తీసుకుంటే మంచిదో తెలుసుకోండి.

బాదంలో ఎన్నో అద్భుత గుణాలు ఉన్నాయి. ఇందులో హెల్దీ ప్యాట్స్, ప్రోటీన్స్, విటమిన్స్, ఖనిజాలు పుష్కలంగా ఉన్నాయి. రోజూ బాదం తింటే చాలా లాభాలున్నాయి. బాదం తింటే బాడీలోని చెడు కొలెస్ట్రాల్ తగ్గుతుంది. గుండె ఆరోగ్యం మెరుగవుతుంది. హెల్దీ వెయిట్‌తో పాటు ఎముకలు బలంగా మారతాయి. బ్రెయిన్ ఆరోగ్యంగా ఉంటుంది. అందుకోసం బాదంని ఎలా తినాలో తెలుసుకోవడం మంచిది. వేయించిన బాదం..

కాల్చిన బాదం చాలా రుచికరంగా ఉంటుంది. ఇది స్నాక్స్‌‌లా తినొచ్చు. అయితే, ఎలా వేయించాలనేది తెలిసి ఉండాలి. బాదంపప్పుని డ్రై రోస్ట్ చేయొచ్చు. ఉప్పుతో వేయాలి. దీనిని ఎవరైనా తినొచ్చు.

షుగర్ పేషెంట్స్‌కి ఈ 5 బెస్ట్ నట్స్..​ ​

ప్రాసెస్డ్ చేయని..

పచ్చి బాదంని ప్రాసెస్ చేయని బాదం అంటారు. వీటిని తినడం వల్ల మీకు విటమిన్ ఈ, మెగ్నీషియం, హెల్దీ ఫ్యాట్స్, మోనోశాచురేటెడ్ కొవ్వు, ఒమేగా 3 ఫ్యాటీ యాసిడ్స్ అందుతాయి. ఈ బాదంపప్పులు తింటే గుండె ఆరోగ్యానికి చాలా మంచిది. అదే విధంగా, చెడు కొలెస్ట్రాల్ కరుగుతుంది. ఎలాంటి సమస్యలు లేని వారు రోజుకి 5 నుంచి 10 బాదంపప్పులు తినొచ్చు. దీనికోసం గాలి చొరబడని గాజు కంటెయినర్‌లో వీటిని పెట్టండి.

నానబెట్టడం..

బాదంపప్పుని రాత్రంతా నానబెట్టి ఉదయాన్నే చాలా మంది తింటారు. ఇది హెల్దీ అని చెబుతారు. రాత్రంతా నానబెట్టడం వల్ల పొట్టు ఈజీగా వస్తుంది. త్వరగా జీర్ణమవుతుంది. పోషకాలని త్వరగా గ్రహించగలుగుతాం. అయితే, చర్మంలోని ఎంజైమ్ ఇన్హిబిటర్స్ పోషకాల శోషణకి ఆటంకం కలిగిస్తాయి. కాబట్టి, నానబెట్టిన తర్వాత పొట్టుని తొలగించి తినొచ్చు. అంతేకాదు, నానబెడితే ఫైటిక్ యాసిడ్ పరిమాణం తగ్గుతుంది. ఇది ఎంజైమ్ ఇన్హిబిటర్, ఇది పోషకాల శోషణని మెరుగ్గా చేస్తుంది. నానబెట్టిన బాదంని నమిలి తినడం మంచిది. ఇది పిల్లలకి చాలా మంచిది.

బాదం బటర్..

పీనట్ బటర్‌లా.. ఆల్మండ్ బటర్ కూడా చాలా మంచిది. దీనిని ఉదయాన్నే బ్రేక్‌ఫాస్ట్‌లో చేర్చితే హెల్దీ ఫ్యాట్స్, ఫైబర్, పోషకాలు అందుతాయి. ఆల్మండ్ బటర్‌లో మోనోశాచురేటెడ్ ఫ్యాట్స్ ఉంటాయి. ఇది ఎక్కువసేపు మీకు కడుపు నిండిన ఫీలింగ్,‌ని కలిగిస్తాయి. జీర్ణ ఆరోగ్యానికి హెల్ప్ చేస్తాయి. అయితే, ఇందులో చక్కెర, హైడ్రోజనేటెడ్ ఆయిల్స్ లేకుండా తీసుకోవడం మంచిది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఇవి పాటించడం వల్ల ఫలితాలు అనేవి వ్యక్తిగతం మాత్రమే. వీటిని పాటించే ముందు డైటీషియన్‌ని సంప్రదించడమే ఉత్తమ మార్గం. గమనించగలరు.

Read More : Health News and Telugu News

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-07-10T10:33:44Z dg43tfdfdgfd