భార్యాభర్తలు గొడవలు పెట్టుకుంటే ఈ లాభాలు కూడా ఉంటాయ్..

వివాహబంధంలో గొడవలు పెట్టుకోని వారు ఉండరు. ఇది ఆ క్షణంలో బాధపెట్టినా ఆ తర్వాత కొన్ని లాభాలని కూడా ఇస్తుంది. అవేంటో తెలుసుకోండి.

మ్యారేజ్ రిలేషన్‌‌‌షిప్‌లో గొడవలు చాలా కామన్. ఇద్దరికీ కూడా ఒకరంటే ఒకరు పడనప్పుడు గొడవ మొదలవుతుంది. చిన్నదైనా, పెద్దదైనా అది ఒకరిపై ఒకరు మాటలు అనుకునేదాకా వెళ్తుంది. దీంతో సమస్య పెద్దగా మారుతుంది. అయితే, ఈ గొడవలు జరగడం వల్ల కొన్ని లాభాలు ఉన్నాయి. అదేంటండి అలా అంటారు అనుకోవద్దు. నిజంగానే గొడవల కారణంగా కొన్ని లాభాలు కూడా ఉన్నాయి. అవేంటో తెలుసుకోండి.

అర్థం చేసుకోవడం..

చాలా మంది గొడవలు పడినప్పుడు మనం చూస్తూనే ఉంటాం. ఆ టైమ్‌లో చాలా మాటలు అనుకుని విడిపోయేలా అనుకుంటారు. దీని వల్ల ఇక వారు విడిపోయారనుకుంటారు. ఇలాంటి తగదాలు ఒకరినొకరు అర్థం చేసుకునే అవకావాన్ని ఇస్తాయని ఎంత మందికి తెలుసు.

నిజానికీ కోపంతో చాలా మాటలు అంటాం. మనసులో ఉన్నవన్నీ బయటికి వస్తాయి. ఆ క్షణంలో బాధ అనిపించినప్పటికీ ఎదుటివారికి ఏం నచ్చవో తెలిసిపోతాయి.

దీంతో ఎదుటివారికి నచ్చినట్లుగా ప్రవర్తించేందుకు ట్రై చేస్తారు. ఒకరిపై ఒకరు అండర్‌స్టాండింగ్‌తో బంధం మరింత ముందుకెళ్తుంది. గొడవలు తగ్గుతాయి.

నమ్మకం..

గొడవల కారణంగా ఒకరినొకరు అర్థం చేసుకోవడం కాకుండా నమ్మకం కూడా పెరుగుతుంది. దీంతో ఎదుటివారిపై మనకి ప్రేమ ఉందో చెప్పడానికి సాయపడుతుంది. దీంతో నమ్మకాన్ని పెరుగుతుంది. ప్రేమ ఎంత నిజాయితీగా అర్థం చేసుకోవడానికి సాయపడుతుంది.

Also Read : డెలివరీ అయ్యాక లావుగా అయ్యా.. నా భర్తని చూసి నాకు..

మనసుకి ఊరట..

గొడవపడిన ప్రతిసారి ఏదో ఒక విషయాన్ని పట్టుకుని బయటికి గొడవలు వస్తాయి. ఇవి కొన్ని సార్లు త్వరగా బయటికి వస్తే.. మరికొన్ని లేట్ అవుతాయి. దీంతో ఇష్టమొచ్చినట్లుగా మాటలనేస్తాం. లోపల ఉన్నదంతా కక్కేస్తాం. దీంతో మనసు ప్రశాంతంగా మారుతుంది. దీంతో వర్షం కురిసిన తర్వాత మబ్బులు తేలికపడ్డట్లు అయిపోతుంది. ఇలా కాకుండా మనస్సులో విషయాలు దాచినప్పుడు ద్వేషం పెరిగి మనస్సులే విరిగిపోయేలా చేస్తుంది.

కోపం తర్వాత ప్రేమ..

మీరెప్పుడైనా గమనించారా.. ఏదైనా విషయంలో గొడవ జరిగి కోపంలో మాటలు అనుకున్నాక తర్వాత బాధగా అనిపిస్తుంది. అనవసరంగా మాటలు అన్నామని ప్రేమ పెరుగుతుంది. ఇది వాస్తవానికి సంబంధంలో కోపం కంటే ప్రేమకు సాయపడుతుంది. కాబట్టి, గిల్లికజ్జాలు కూడా మంచివేనని గుర్తించండి.

Also Read : రొమాన్స్ చేసేటప్పుడు మగవారు ఈ విషయంలో టెన్షన్ పడతారట..

కూర్చోని మాట్లాడడం..

గొడవలకి కారణాలు కావాలేంటండి.. మితిమీరిన ప్రేమ, మితిమీరిన ద్వేషం, మితిమీరిన కోపం ఇలా ఏదైనా సరే మితిమీరడంతో అది తట్టుకోలేక కోపమంతా బయటికి వస్తుంది. అది కోపంలా మారి ఒకరిపై ఒకరు మాటలు అనుకుని ఏడుపుతో ముగుస్తుంది. దీంతో ఎదుటివారు కాస్తా ఆలోచనల పడతారు. దీంతో కాసేపు ఎదుటివారిపై ఆలోచించి కూర్చుని మాట్లాడతారు.

ఇవి మరువొద్దు..

ఈ ఆర్టికల్ దంపతులని గొడవలు పెట్టుకోవాలని చెప్పట్లేదు. కానీ, మీకు జరిగే ప్రతి చిన్న గొడవలు హెల్దీగా, ఒకరినొకరు అర్థం చేసుకోవడం, క్షమించుకోవడానికి, ప్రేమించడానికి అవకాశంలా ఉండాలి. అంతేకానీ, గొడవల సమయంలో శారీరకంగా ఒకరినొకరు ఇబ్బందిపెట్టుకోవడం చేయొద్దు. ఇక అప్పుడప్పుడు చిన్నచిన్న గిల్లికజ్జాలు పెట్టుకుని.. ఆ తర్వాత అంతకు మించిన ప్రేమతో కలిసి ఉండండి.. సుఖీభవ..

​​

గమనిక :

ఈ కథనాలు ఆ వ్యక్తులు పంచుకున్న అనుభవాలను మాత్రమే తెలియజేస్తుంది. ఇది ఎవరినీ ఉద్దేశించినది కాదు. పాఠకులు ఈ విషయాన్ని గమనించగలరు.

​​​Read More :

Relationship News

and

Telugu News

2023-06-08T13:18:24Z dg43tfdfdgfd