WEEKLY HOROSCOPE15 - 21 సెప్టెంబర్ 2024: ఈ వారం మాళవ్య రాజయోగం ప్రభావంతో మేషం, తులా సహా ఈ రాశుల వారు శత్రువులను ఓడిస్తారు..!

Weekly Horoscope 16 to 22 September 2024 జ్యోతిష్యశాస్త్రం ప్రకారం, ఈ వారం ప్రారంభంలో మాళవ్య రాజ యోగం, కన్యా సంక్రాంతి ప్రభావంతో కొన్ని రాశుల వారు శత్రువులపై ఆధిపత్యం చెలాయిస్తారు. ఈ జాబితాలో మీ రాశి ఉందేమో చూడండి..

Weekly Horoscope 16 to 22 September 2024 జ్యోతిష్యం ప్రకారం, ఈ వారం ప్రారంభంలో కన్యా రాశిలో సూర్యుడు సంచారం చేయనున్నాడు. ఇదే రాశిలో కేతువుతో సూర్యుడు కలయిక జరపనున్నాడు. మరోవైపు శుక్రుడు తులా రాశిలో ప్రవేశించనున్నాడు. ఈ నేపథ్యంలో మాళవ్య రాజయోగం ఏర్పడనుంది. అంతేకాదు కన్యా రాశిలో బుధాదిత్య రాజయోగం, శుక్రాదిత్య రాజయోగాలు కూడా ఏర్పడనున్నాయి. ఈ శుభప్రదమైన యోగం ప్రభావంతో కొన్ని రాశుల వారికి మంచి పనుల పట్ల ఆసక్తి కలుగుతుంతి. వారి జీవితంలో సంతోషం పెరుగుతుంది. ఈ సందర్భంగా సూర్యుడు, శుక్రుడి సంచారం వల్ల ద్వాదశ రాశుల వారికి ఈ వారం ఏ మేరకు సానుకూల ఫలితాలు రానున్నాయి.. ఏ మేరకు ప్రతికూల ఫలితాలు రానున్నాయనే ఆసక్తికరమైన వివరాలను ఇప్పుడే చూసెయ్యండి...మేష రాశి(Aries) వార ఫలాలు..

ఈ రాశి వారికి సెప్టెంబర్ మూడో వారంలో లాభదాయకంగా ఉంటుంది. మాళవ్య రాజయోగం కారణంగా కెరీర్ పరంగా కొన్ని శుభవార్తలను వింటారు. విద్యా రంగంలో అద్భుతమైన ప్రయోజనాలు పొందుతారు. ఉద్యోగులకు తమ జాబ్ మారాలని ఆలోచిస్తుంటే, మంచి ఫలితాలొచ్చే అవకాశం ఉంది. కార్యాలయంలో మీకు సీనియర్ల నుంచి ప్రశంసలు లభిస్తాయి. ఈ వారం ప్రారంభంలో మీకు మతపరమైన కార్యక్రమాల్లో పాల్గొనే అవకాశం లభిస్తుంది. పోటీ పరీక్షల్లో పాల్గొనే వారికి శుభప్రదమైన ఫలితాలొస్తాయి. ఈ వారం మీరు సామాజిక కార్యక్రమాల్లో పాల్గొనే అవకాశం ఉంది. కార్యాలయంలో మీ పనిని సీనియర్లు అభినందిస్తారు.. జూనియర్లు కూడా మీకు పూర్తి మద్దతు ఇస్తారు. వ్యాపారస్తులకు ఆశించిన లాభాలు కూడా లభిస్తాయి. రాజకీయాలతో సంబంధం ఉన్న వ్యక్తులు కొంత పెద్ద స్థానం, ప్రశంసలు మరియు గౌరవాన్ని పొందొచ్చు. మీ వైవాహిక జీవితంలో మాధుర్యం ఉంటుంది.లక్కీ నెంబర్:18లక్కీ కలర్:వైట్

వృషభ రాశి(Taurus) వార ఫలాలు..

ఈ రాశి వారు ఈ వారం ప్రారంభంలో అన్ని పనులను ఉత్సాహంగా పూర్తి చేస్తారు. ఉద్యోగులు కార్యాలయంలో ఆశించిన విజయాన్ని సాధించగలుగుతారు. ఈ సమయంలో కొన్ని పండుగలు మొదలైన వాటిలో పాల్గొనే అవకాశం ఉంటుంది. ప్రియమైన వారిని కలవడం కూడా సాధ్యమే. ఉద్యోగంలో ఉన్న వ్యక్తులను అవాంఛనీయ ప్రదేశానికి బదిలీ చేయడం వల్ల కొంత ఒత్తిడి పెరగొచ్చు. ఈ సమయంలో, మీ ప్రసంగం, ప్రవర్తనలో సంయమనం పాటించాలి. ఈ కాలంలో, ముఖ్యంగా రహస్య శత్రువుల పట్ల జాగ్రత్తగా ఉండాలి. మీ ప్రేమ సంబంధంలో ఒక అడుగు ముందుకు వేయాలి. మీ ప్రేమ భాగస్వామి భావాలను విస్మరించకుండా ఉండాలి. మీ వైవాహిక జీవితంలో జాగ్రత్తగా ఉండాలి.లక్కీ నెంబర్:4లక్కీ కలర్:గోల్డ్

మిధున రాశి(Gemini) వార ఫలాలు..

ఈ రాశి వారు ఈ వారం ప్రారంభంలో పని ప్రదేశాలలో చాలా జాగ్రత్తగా ఉండాలి. మీరు ప్రత్యర్థుల పట్ల కూడా జాగ్రత్తగా ఉండాలి. ఎందుకంటే వారు మీ ప్రణాళికలను భంగపరచడానికి ప్రయత్నించొచ్చు. వారం మధ్యలో, కొన్ని గృహ సమస్యలు మీకు ఒత్తిడిని కలిగిస్తాయి. ఈ కాలంలో వ్యాపార వర్గాల్లో కొత్త ఉత్సాహం పెరుగుతుంది. వ్యాపారంలో ఊహించని లాభాలు వచ్చే అవకాశం ఉంది. మార్కెట్‌లో ఇరుక్కున్న డబ్బు ఒక్కసారిగా బయటకు వచ్చే అవకాశం ఉంది. ఉద్యోగ రీత్యా చేపట్టిన ప్రయాణాలు లాభిస్తాయి. ప్రేమ సంబంధాలు సాధారణంగా ఉంటాయి. మీ ప్రేమ భాగస్వామితో ఆహ్లాదకరంగా గడిపే అవకాశాలను పొందుతారు. మీ జీవిత భాగస్వామి ఆరోగ్యం గురించి మనస్సు కొద్దిగా ఆందోళన చెందుతుంది.లక్కీ నెంబర్:9లక్కీ కలర్:స్కై బ్లూ

కర్కాటక రాశి(Cancer) వార ఫలాలు..

ఈ రాశి వారు ఈ వారం ఇతరులపై ఆధారపడకుండా తమ సొంత బలం, సామర్థ్యాలపై ఆధారపడాలి. ఈ వారం ప్రారంభంలో, సహోద్యోగులు లేదా ప్రియమైన వారి నుండి సకాలంలో మద్దతు లభించకపోవడం వల్ల మీరు కొంత విచారంగా ఉంటారు. అయితే, ఈ వారం మధ్యలో మీ సమస్యలు క్రమంగా పరిష్కారమవుతాయి. అటువంటి పరిస్థితిలో, కార్మికవర్గం ఈ కాలంలో తమ సీనియర్లు, జూనియర్లు మొదలైన వారితో సత్సంబంధాలను కొనసాగించడానికి ప్రయత్నించాలి. ఈ సమయంలో, మీ ఉత్సాహం, ధైర్యం పెరుగుతుంది. మీరు మత-సామాజిక కార్యక్రమాలలో పాల్గొనే అవకాశాలను పొందుతారు. కోర్టు సంబంధిత వ్యవహారాల్లో విజయం సాధిస్తారు. మీ ప్రేమ సంబంధాలు బలపడతాయి. మీ వైవాహిక జీవితంలో మాధుర్యం ఉంటుంది. కుటుంబంతో సంతోషకరమైన క్షణాలు గడిపే అవకాశాలు ఉంటాయి.లక్కీ నెంబర్:1లక్కీ కలర్:బ్రౌన్

సింహ రాశి(Leo) వార ఫలాలు..

ఈ రాశి వారికి ఈ వారం ప్రారంభంలో సంతోషంగా ఉంటుంది. ఈ సమయంలో మీరు అనేక కార్యక్రమాల్లో పాల్గొంటారు. వారం ప్రారంభంలో మీరు కొన్ని శుభవార్తలను వింటారు. ఈ కాలంలో మీ తెలివితేటలతో అన్ని రంగాల్లో విజయం సాధిస్తారు. అంతేకాదు దీర్ఘకాలంగా ఉన్న సమస్య నుంచి ఈసారి బయటపడొచ్చు. మీరు కొత్త సంపాదన మార్గం పొందుతారు. ఈ కాలంలో దీర్ఘకాలంగా ఉన్న సమస్యల నుంచి ఉపశమనం పొందుతారు. వ్యాపారులు ఆశించిన మేరకు లాభాలను పొందుతారు. పోటీ పరీక్షలకు సిద్ధమవుతున్న వారికి శుభవార్తలు వినిపిస్తాయి.లక్కీ నెంబర్:16లక్కీ కలర్:బ్లూ

కన్య రాశి(Virgo) వార ఫలాలు..

ఈ రాశి వారు ఈ వారం తమ శక్తి, సామర్థ్యాలను పెంచుకునేందుకు ప్రయత్నిస్తారు. ఈ వారం ప్రారంభంలో మీకు అదనపు పనిభారం ఉండొచ్చు. అంతేకాకుండా, గృహ సమస్యలు కూడా మిమ్మల్ని ఇబ్బంది పెట్టవచ్చు. ఇలాంటి పరిస్థితిలో, ఏదైనా గందరగోళాన్ని తొలగించేటప్పుడు లేదా ఏదైనా ప్రధాన నిర్ణయం తీసుకునేటప్పుడు, మీ శ్రేయోభిలాషుల అభిప్రాయాన్ని విస్మరించొద్దు. లేకపోతే మీ సమస్యలు పరిష్కరించబడటానికి బదులుగా పెరుగుతాయి. ఏదైనా సవాలును ఎదుర్కొంటున్నప్పుడు, మంచి రోజులు లేనప్పుడు, చెడు రోజులు కూడా ఎక్కువ కాలం ఉండదని గుర్తుంచుకోండి. మరోవైపు సన్నిహితులు, కుటుంబ సభ్యుల నుండి పూర్తి మద్దతు, సహకారం పొందుతారు. కష్ట సమయాల్లో మీ జీవిత భాగస్వామి మీకు నీడలా అండగా నిలుస్తారు. మీ ఆరోగ్యం పట్ల పూర్తి శ్రద్ధ వహించాలి.లక్కీ నెంబర్:5లక్కీ కలర్:పర్పుల్

తులా రాశి (Libra) వార ఫలాలు..

ఈ నెల మూడో వారంలో తులా రాశి వారు అన్ని రంగాల్లో సానుకూల ఫలితాలను పొందుతారు. ఈ సమయంలో మీరు శక్తి, సామర్థ్యాలను పెంచుకుంటారు. ఒకేసారి అన్ని పనులను సులభంగా పూర్తి చేసేందుకు ప్రయత్నిస్తారు. రాజకీయాలతో సంబంధం ఉన్న వ్యక్తులు ఈ సమయంలో పెద్ద పదవులు లేదా ప్రమోషన్ పొందొచ్చు. వివాహితులు తమ పిల్లల గురించి కొన్ని శుభవార్తలను వింటారు. మీ ఆరోగ్యం మునుపటి కంటే మెరుగ్గా ఉంటుంది. సమాజంలో మీ గౌరవం పెరుగుతుంది. మీ ప్రేమ సంబంధాలలో తీవ్రత ఉంటుంది. మీ జీవిత భాగస్వామితో కలిసి మతపరమైన ప్రదేశానికి వెళ్లే అవకాశం ఉంది. మీ ఆరోగ్యం సాధారణంగా ఉంటుంది.లక్కీ నెంబర్:3లక్కీ కలర్:ఎల్లో

వృశ్చిక రాశి(Scorpio) వార ఫలాలు..

ఈ రాశి వారు ఈ వారం తమ మాటలను, ప్రవర్తనను అదుపులో ఉంచుకోవాలి. ఎలాంటి పరిస్థితిలో అయినా కోపాన్ని కంట్రోల్ చేసుకోవాలి.ఏదైనా ముఖ్యమైన విషయాల్లో జాగ్రత్తగా ఆలోచించి నిర్ణయాలు తీసుకోవాలి. ఉద్యోగులు తమ ప్రణాళికలను అమలు చేయడానికి ముందు కార్యాలయంలో వాటిని బహిర్గతం చేయడం మానుకోవాలి. లేకుంటే మీ ప్రత్యర్థులు వాటిలో అడ్డంకులు సృష్టించొచ్చు. మీరు భాగస్వామ్యంతో వ్యాపారం చేస్తే లేదా చేయాలని ఆలోచిస్తున్నట్లయితే, అన్ని విషయాలను పరిగణనలోకి తీసుకోవాలి. కోర్టు సంబంధిత విషయాలను పరిష్కరించడానికి ఏదైనా మార్గం ఉంటే, అలా చేయడం మిస్ చేయొద్దు. లేకపోతే వివాదం పరిష్కారం కోసం మీరు చాలా కాలం వేచి ఉండాల్సి ఉంటుంది. ప్రేమ సంబంధాలను బలోపేతం చేయడానికి, మీ ప్రేమ భాగస్వామి భావాలను, అవసరాలను విస్మరించొద్దు. కష్ట సమయాల్లో మీ జీవిత భాగస్వామి మీకు సహాయం అందిస్తారు.లక్కీ నెంబర్:11లక్కీ కలర్:ఎల్లో

ధనస్సు రాశి (Sagittarius) వార ఫలాలు..

ఈ రాశి వారు సెప్టెంబర్ మూడో వారంలో అన్ని పనుల్లో సానుకూల ఫలితాలను పొందుతారు. ఈసమయంలో మీరు పెట్టుబడి ద్వారా ఎక్కువ మొత్తంలో సంపాదించొచ్చు. మీకు కొత్త పెట్టుబడులకు సమయం అనుకూలంగా ఉంటుంది. ఈ వారం పెట్టుబడుల విషయంలో జాగ్రత్తగా ఉండాలి. ఎవరితోనూ అసభ్యంగా ప్రవర్తించొద్దు. ఈ వారంలో పోటీ పరీక్షల్లో పాల్గొనే వారు మంచి విజయం సాధిస్తారు. ఉద్యోగులు ఈ వారం కొన్ని శుభవార్తలు వింటారు. వ్యాపారులకు మంచి లాభాలొచ్చే అవకాశం ఉంది. కొత్త పెట్టుబడులకు సమయం అనుకూలంగా ఉంటుంది. పోటీ పరీక్షలలో నిమగ్నమైన విద్యార్థులకు శుభవార్తలు వినిపిస్తాయి. మీ ప్రేమ జీవితంలో సంతోషంగా ఉంటుంది. మీ వైవాహిక జీవితం ఆనందంగా ఉంటుంది.లక్కీ నెంబర్:2లక్కీ కలర్:ఆరెంజ్

మకర రాశి(Capricorn) వార ఫలాలు..

ఈ రాశి వారు ఈ వారం తొందరపడి ఏ పని చేయకూడదు. చాలా జాగ్రత్తగా ఉండాలి. లేదంటే మీరు నష్టపోయే ప్రమాదం ఉంది. వారం ప్రారంభంలో ధార్మిక-సామాజిక కార్యక్రమాలలో పాల్గొంటారు. ఉద్యోగులు కార్యాలయంలో సీనియర్లు, జూనియర్లతో సమన్వయాన్ని కొనసాగించాలి. మీరు అనవసర చర్చలకు దూరంగా ఉండాలి. వ్యాపారంలో నిమగ్నమైన వ్యక్తులు తమ వ్యాపారాన్ని విస్తరింపజేసేటప్పుడు అధిక విశ్వాసం లేదా ఇతరులపై ఆధారపడకుండా ఉండాలి. ప్రేమ వ్యవహారాల్లో ఆచితూచి అడుగులు వేయాలి. మీ జీవిత భాగస్వామి భావాలను విస్మరించడం మానుకోవాలి. వారి కోసం సమయాన్ని వెచ్చించాలి.లక్కీ నెంబర్:13లక్కీ కలర్:రోజ్