Beauty Tips : జుట్టుకు రంగు వేస్తు్న్నారా.. ఇంట్లోనే హెయిర్ కలర్ ఇలా.. జాగ్రత్తలు ఇలా..!
ఫ్యాషన్ కావొచ్చు.. తెల్ల వెంట్రుకలు కనబడకుండా కావొచ్చు.. జుట్టుకి రంగు వేయడం సాధారణంగా మారింది, కానీ వీటిని ఎక్కువగా వాడితే కళ్లు, చర్మం ఇరిటేట్ అవుతాయి. అలర్జీలూ వచ్చే అవకాశం ఉంది. వీటిలో ఉండే రసాయనాల వల్ల క్యాన్సర్ బారిన పడే అవకాశమూ ఉంది. అందుకే తప్పనిసరి పరిస్థితుల్లో తప్ప రంగు వేసుకోకూడదు. ఒకవేళ తప్పదు. అనుకుంటే కొన్ని జాగ్రత్తలతో పాటు ఈ చిట్కాలు పాటించాలి.
ఈ జాగ్రత్తలు పాటించాలి
ఇంట్లోనే హెయిర్ కలర్
చాలామంది జుట్టు ఇలా నెరిసిందో లేదో.. అలా రంగు వేసేస్తుంటారు. రసాయనాలు కలిపిన రంగుల గాఢతను జుట్టు భరిస్తుందో లేదోనని ఆలోచించరు. కొందరు ఒక్కసారి రంగేస్తే ఏమవుతుందంటారు. కానీ ఒక్కసారి జుట్టుకి రంగు వేస్తే చాలు.. అందులోని రసాయనాలు జుట్టు సహజత్వాన్ని దెబ్బతీస్తాయి. దానివల్ల జుట్టు సమస్యలు మరింత తీవ్రమవుతాయి. అందుకే ఒకవేళ రంగు వేయక తప్పదనుకుంటే ఇంట్లోనే సహజసిద్ధంగా హెయిర్ కలర్స్ రెడీ చేసుకోవచ్చు. ఇలా...
తులసితో
కావాల్సినవి బ్లాక్ టీ 5 టేబుల్ స్పూన్లు తులసి ఆకులు- ఐదు నిమ్మరసం- రెండు మూడు చుక్కలు తయారీ బ్లాక్టీలో తులసి ఆకులు వేసి సన్నని మంట మీద 10 నిమిషాల పాటు ఉడికించాలి. తర్వాత నిమ్మరసం కూడా వేసి కలిపి స్టవ్ ఆఫ్ చేయాలి. ఈ మిశ్రమాన్ని వడకట్టి చల్లార్చి జుట్టుకి రాయాలి. ఇలా వారానికి ఒకసారి మూడునెలలు పాటు చేస్తే చుండ్రు సమస్యలతో పాటు తెల్లవెంట్రుకలు కూడా నల్లగా మారతాయి.
ఉసిరికాయలతో
కావాల్సినవి
ఎండు ఉసిరి - 100 గ్రాములు నీళ్లు- ఒక గ్లాసు ఐరన్ పాన్-1
తయారీ
విత్తనాలు తీసిన ఎండు ఉసిరికాయ లను పాన్లో వేసి సన్నని మంటమీద వేగించాలి. ఉసిరికాయ ముక్కలు నలుపు రంగులోకి వచ్చే వరకు అంటే దాదాపు అరగంట పాటు వేగించాలి. తర్వాత అందులో ఒక గ్లాసు నీళ్లు పోసి ఏడు నుంచి ఎనిమిది నిమిషాల పాటు ఉడికించి స్టవ్ ఆఫ్ చేయాలి. ఇప్పుడు ఆ మిశ్రమాన్ని 12 గంటల పాటు చల్లార చ్చి పట్టాలి. తర్వాత శుభ్రంగా తలస్నానం చేసి జుట్టుని ఆరబెట్టి ఈ మిశ్రమాన్ని రాసుకోవాలి. రెండు గంటల తర్వాత జుట్టుని శుభ్రం చేసుకోవాలి. ఇలా వారానికి రెండుమూడు సార్లు చేస్తే జుట్టు సహజంగానే నలుపు రంగులోకి వస్తుంది. అలాగే ఈ మిశ్రమాన్ని రాసుకున్నప్పుడు షాంపు, హెయిర్ ర్ ప్రొడక్ట్స్ కి దూరంగా ఉండాలి.
©️ VIL Media Pvt Ltd. 2024-07-26T08:32:49Z dg43tfdfdgfd