PEE STAIN DENIM: ఇదేం ఫ్యాషన్‌రా బాబు.. మూత్రం పోసినట్లు ఉన్న జీన్స్ ధర రూ.67,600

Pee Stain Denim: మనం రోజూ కొత్త కొత్త బ్రాండ్‌ల బట్టలు చూస్తూ ఉంటాం. ఒకప్పుడు బూట్‌కట్ ప్యాంట్లు బాగా ట్రెండ్‌లో ఉండేవి. ఆ తర్వాత పెన్సిల్ కట్ ప్యాంట్లు వచ్చాయి. ఇప్పుడు టోర్న్ జీన్స్ బాగా ట్రెండింగ్‌లో ఉన్నాయి. చిరిగినట్లు ఉండే జీన్స్ ప్యాంట్లు వేసుకోవడం ఫ్యాషన్ అయింది. వాటిని చూస్తే నిజంగానే చిరిగిందా లేక ఫ్యాషన్ కోసం చింపారా అనే డౌట్ కూడా వస్తుంది. అయితే తాజాగా వచ్చిన ఓ జీన్స్ ప్యాంట్‌ను చూస్తే ముక్కున వేలేసుకోవాల్సిందే. ఎందుకంటే ఆ జీన్స్ ప్యాంటును చూస్తే.. మూత్రం పోసుకున్నట్లు ఉంటుంది. ఈ ప్యాంటును చూసి సోషల్ మీడియాలో నెటిజన్లు కామెంట్లతో.. ఆ జీన్స్ ప్యాంటుపై తమ స్పందనను తెలియజేస్తున్నారు.

సరిగ్గా నడుము కింది భాగంలో మర్మాంగం ఉండే ప్రాంతంలో జేబుల వరకు తడిగా ఉన్నట్లు కనిపించే జీన్స్ ప్యాంటు బాగా ట్రెండ్ అవుతోంది. ఇక దీని ధర వింటే మాత్రం షాక్ కావాల్సిందే. ఎందుకంటే మూత్రం పోసుకున్నట్లుగా ఉండే ఈ జీన్స్ ప్యాంటు ధర అక్షరాల 811 డాలర్లు అంటే మన భారత కరెన్సీలో అక్షరాలా రూ.67600. ఇందులో లైట్ వెర్షన్ 608 డాలర్లు.. అంటే మన భారత కరెన్సీలో రూ.50 వేలు ఉంటుంది. అయితే ఇంత ధర పెట్టి విక్రయానికి పెట్టగా.. ఆ జీన్స్ ఎక్కువగా అమ్మకాలు జరగకపోవడం గమనార్హం.

రోజురోజుకూ మారుతున్న ఫ్యాషన్ ప్రపంచానికి అనుగుణంగా డిజైనర్లు జోర్డాన్ బోవెన్, లుకా మార్చెట్టో ఈ జీన్స్‌ను తయారు చేశారు. దీనికి "పీ స్టెయిన్ డెనిమ్" జీన్స్‌ అని పేరు పెట్టారు. 2023 వింటర్‌లో ఈ జీన్స్‌ను రూపొందించారు. ఇక ఈ జీన్స్ ప్యాంటు ప్రస్తుతం సోషల్ మీడియాలో తెగ వైరల్ అవుతోంది. ప్యాంటు మొత్తం లైట్ కలర్‌లో ఉండి.. జిప్ ఉండే ప్రాంతంలో నీళ్లు పోసినట్లుగా డార్క్ కలర్‌లో ఉంటుంది. ఆ ప్యాంటును చూస్తే వేసుకున్నవారు మూత్రం పోసుకున్నట్లుగా ఉంటుంది.

దీంతో ఈ జీన్స్‌పై సోషల్ మీడియాలో వైరల్ కావడంతో నెటిజన్లు రకరకాల కామెంట్లతో తమదైన స్టైల్‌లో రిప్లై ఇస్తున్నారు. ఇలా మూత్రం పోసుకున్నట్లుగా ఉన్న జీన్స్.. ఫ్యాషన్‌గా మారడం బట్టి చూస్తుంటే.. మనం ఎంతకు దిగజారిపోయామో అర్థం అవుతోందని ఒక నెటిజన్ పేర్కొన్నాడు. మనం ఇప్పటివరకు అన్నీ చూశాం అనుకున్నాం కానీ.. ఇది మరో రకం అంటూ మరో నెటిజన్ తెలిపారు. ఇలాంటి జీన్స్‌ను ఎవరు కొంటారు.. ఒకవేళ కొన్నా వాటిని ఏం చేసుకుంటారు అని ఇంకో వ్యక్తి ప్రశ్నించాడు.

ఇక మరో నెటిజన్ చాలా ఆసక్తికరమైన కామెంట్ చేశాడు. ఇలా అన్ని డబ్బులు ఖర్చు పెట్టి ఆ జీన్స్ ప్యాంటులను కొనుగోలు చేయడం కంటే.. వేసుకున్న ప్యాంటులోనే మూత్రం పోసుకుంటే సరి అంటూ వ్యంగ్యంగా కామెంట్ పెట్టాడు. అలా చేస్తే ఆ ప్యాంటును కొనుగోలు చేసే డబ్బులు మిగులుతాయని సూచించాడు. ఇదే గనక 1970 ల్లో జరిగితే తాను పిల్లవాడిలా ఉండేవాడిని అని పేర్కొన్నాడు. ఏది ఏమైనప్పటికీ ఇలాంటి ఫ్యాషన్ దుస్తులు.. ఎవరు కొంటారు అనేది పక్కన పెడితో సోషల్ మీడియాలో మాత్రం మీమర్స్‌కు మంచి స్టఫ్‌ను ఇస్తుంది.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-04-27T14:12:36Z dg43tfdfdgfd