ఇలాంటి మగవారిని పెళ్ళి చేసుకోవడం కంటే సింగిల్‌గా ఉండొచ్చు..

పెళ్ళి అంటే నూరేళ్ళ పంట. ఆ పంట పదికాలాల పచ్చగా ఉండాలంటే పెళ్ళి విషయంలో ఆడవారు కొన్ని జాగ్రత్తలు తీసుకోవాలి. అవేంటో తెలుసుకోండి.

ప్రతి ఒక్కరూ పెళ్ళి తర్వాత తమ లైఫ్ బాగుండాలని కోరుకుంటారు. అందుకోసం ఎన్నో సంబంధాలు వెతికి మరీ పెళ్ళి చేసుకుంటారు. అయితే, ఈ విషయంలో ఆడవారు ఎక్కువ జాగ్రత్తలు తీసుకోవాలి. మగవారిలో పెళ్ళికి ముందే కొన్ని అలవాట్లు ఉన్నాయో లేదో తెలుసుకోవాలి. ఆ అలవాట్ల కారణంగా విడిపోయే పరిస్థితి వస్తుంది. అలా కాకుండా ఉండాలంటే మగవారికి ఉండకూడని అలవాట్లు ఏంటో తెలుసుకోండి. మనవారిని కలవనివ్వకపోవడం..

ఆడవారు పెళ్ళయ్యాక సొంతవారిని వదిలి వేరే ఇంటికి వెళ్లిపోతుంది. అయితే, అంతమాత్రాన వారితో బంధాలు మొత్తం తెంచుకోవాలని కాదు. కానీ, కొంతమంది మగవారు పెళ్ళయ్యాక కొన్ని రూల్స్ పెడతారు. పుట్టింటి వారు, స్నేహితులతో ఎక్కువగా కలవొద్దు, మాట్లాడొద్దని. అలాంటివి మీరు పెళ్ళి చేసుకోవాలనుకునేవారికి ఉంటే ఆ సంబంధాన్ని వదులుకోవడమే మంచిది.

టార్చర్..

టార్చర్ అంటే కేవలం చేయి చేసుకోవడమే కాదు.. కొంతమంది మానసికంగా కూడా వేధిస్తారు. దానిని పెళ్ళికి ముందే మీరు గమనిస్తే అలాంటి వారికి దూరంగా ఉండడమే మంచిది. ఎందుకంటే మ్యారేజ్ అయ్యాక ఆ హింస హద్దులు దాటి మీరు సంసారమనే సాగరంలో శిక్షలు అనుభవిస్తూనే ఉంటారు.

మద్యపానం, మాదక ద్రవ్యాలు..

పార్టీ కల్చర్ పెరిగిపోవడంతో చాలా మందికి ఆల్కహాల్, డ్రగ్స్ వంటివి నేడు కామన్ అయిపోయాయి. అలాంటి అలవాట్లు ఉంటే వాటితోనే సావాసం ఉంటుంది. జీవితం కోల్పోయే అవకాశం ఉంది. కాబట్టి, ఇలాంటి అలవాట్లు లేకుండా చూసుకోండి.

గౌరవించకపోవడం..

ఆడవారిని రాణుల్లా చూడాల్సిన అవసరం లేదు. కానీ, వారికంటూ రెస్పెక్ట్ ఇవ్వడం ముఖ్యమని గుర్తుపెట్టుకోవాలి. అప్పుడే వారు జీవితాంతం హ్యాపీగా ఉంటారు. మీ అభిప్రాయాలు, అభిరుచులని అతను గౌరవిస్తున్నాడో లేదో కనిపెట్టడం మంచిది.

మోసం చేయడం..

మోసం చేయడం ఈ మధ్యకాలంలో ఫ్యాషన్ అయిపోయింది. చాలా మంది తమ పార్టనర్‌ కళ్ళుగప్పి మరొకరితో అఫైర్స్ నడిపిస్తున్నారు. అలా మీరు ఉండగానే వేరొకరితో అతను చనువుగా ఉంటే అలాంటి వ్యక్తులని మీ జీవితంలోకి అస్సలు ఆహ్వానించొద్దు.