మహిళలకు బెస్ట్ 4 ఎక్సర్‌సైజ్‌లు.. మొండి కొవ్వు కూడా మంచులా కరిగిపోవాల్సిందే..

బరువు పెరిగినంత ఈజీగా బరువు తగ్గలేరు. అందుకు చాలా కష్టపడాల్సి ఉంటుంది. తినే ఆహారం నుంచి శారీరక శ్రమ వరకు చాలా విషయాల్లో జాగ్రత్తలు తీసుకోవాలి. పూర్తిగా హెల్తీ లైఫ్‌స్టైల్ అలవర్చుకోవాలి. ముఖ్యంగా థర్టీస్ ఏజ్ గ్రూప్ మహిళలు హెల్తీ వెయిట్ మేనేజ్‌మెంట్‌పై దృష్టి పెట్టాలి. వీరు రోజూ 5 రకాల వర్కవుట్స్ చేస్తే ఫ్యాట్ బర్న్ అవుతుంది, చూడటానికి నాజూగ్గా కనిపిస్తారు. 30ల్లో ఉన్న మహిళలు డైలీ ప్రాక్టీస్ చేయాల్సిన 5 వర్కౌట్స్ ఏవో పరిశీలిద్దాం.

* స్ట్రెన్త్ ట్రైనింగ్

స్క్వాట్స్, డెడ్‌లిఫ్ట్స్, పుష్-అప్స్ వంటి వ్యాయామాలు ఒకేసారి వివిధ కండరాలను బలోపేతం చేస్తాయి. వీటివల్ల విశ్రాంతి సమయంలో ఫ్యాట్‌ బర్న్ అవుతుంది. లీన్ కండర ద్రవ్యరాశి, జీవక్రియ పెరుగుతాయి. వర్కౌట్ రొటీన్‌లో భాగంగా వెయిట్‌లిఫ్టింగ్‌ ప్రాక్టీస్ చేసినా మహిళల్లో ఫ్యాట్ బర్న్ అవుతుంది.

* జుంబా

బాడీ ఫ్యాట్‌ను తగ్గించే బెస్ట్ ఎక్సర్‌సైజ్ జుంబా. ఇది మనసును ఆహ్లాదపరుస్తుంది. కేలరీలను బర్న్ చేయడంతో పాటు కార్డియోవాస్కులర్ ఫిట్‌నెస్‌ను మెరుగుపరుస్తూ మొత్తం శరీరాన్ని ప్రభావితం చేస్తుంది. జుంబా ప్రాక్టీస్‌లో వేగవంతమైన కదలికలు ఉంటాయి. దీనివల్ల ఫ్యాట్ బర్న్‌ అవుతుంది.

* యోగా

యోగా శారీరక, మానసిక ఆరోగ్యాన్ని మెరుగుపరుస్తుంది. శరీర భాగాల్లో ఫ్యాట్ బర్న్ కావడానికి నిర్దిష్టంగా కొన్ని యోగా ఆసనాలను ప్రాక్టీస్ చేయాలి. డైలీ 15-20 నిమిషాల యోగా, 30 ఏళ్లు పైబడిన స్త్రీలకు ప్రశాంతతను తీసుకొస్తుంది. ఎముకలను బలోపేతం చేస్తుంది. మొత్తంగా ఆరోగ్యం మెరుగుపడుతుంది.

* కార్డియో వర్కౌట్స్

కార్డియో వర్కౌట్స్ సులభంగా ప్రాక్టీస్ చేయవచ్చు. రన్నింగ్, జాగింగ్, స్కిప్పింగ్ వంటి వాటితో ప్రారంభించి చేసే ఈ ఎక్స్‌సర్‌సైజులు, కేలరీలను బర్నింగ్ చేయడంలో కీలకపాత్ర పోషిస్తాయి. కండరాలను బలోపేతం చేయడంతో పాటు గుండె ఆరోగ్యాన్ని ప్రోత్సహిస్తాయి. శరీరంలో కొవ్వును తగ్గించడానికి అవసరమైన కేలరీల లోటును క్రియేట్ చేస్తాయి. హై ఇంటెన్సిటీ జంపింగ్ రోప్ వర్కౌట్ శరీరం మొత్తాన్ని ప్రభావితం చేస్తుంది, కేలరీలను బర్న్ చేస్తుంది. ఇది కార్డియోవాస్కులర్ హెల్త్‌ను మెరుగుపరుస్తుంది.

* హై-ఇంటెన్సిటీ ఇంటర్వెల్ ట్రైనింగ్ (HIIT)

హై-ఇంటెన్సిటీ ఇంటర్వెల్ ట్రైనింగ్‌లో బర్పీ కీలకం. ఇది స్ట్రెన్త్ ట్రైనింగ్ అండ్ కార్డియోవాస్కులర్ కండిషనింగ్‌ను మిళితం చేసే కాపౌండ్ వర్కౌట్. దీన్ని రెగ్యులర్‌గా మహిళలు ప్రాక్టీస్ చేస్తే కండరాలు బలోపేతం అవుతాయి. హృదయ స్పందన రేటు పెరుగుతుంది. కేలరీలు సమర్థవంతంగా బర్న్ అవుతాయి. పర్వతాలు ఎక్కడం కూడా ఒక డైనమిక్ వర్కవుట్. ఇది కోర్, ఎగువ శరీరం, దిగువ శరీరాన్ని ప్రభావితం చేస్తుంది. దీంతో హృదయ స్పందన రేటు, జీవక్రియ రేటు పెరిగి ఫ్యాట్ బర్న్ అవుతుంది. దీర్ఘకాలంలో ఇది బరువు తగ్గడానికి దారితీస్తుంది.

ఈ వర్కౌట్స్ రెగ్యులర్‌గా ప్రాక్టీస్ చేయడంతో పాటు హెల్తీ డైట్ ఫాలో అవ్వడం కూడా కీలకమే. వ్యాయామ తీవ్రతను క్రమంగా పెంచడం ఆరోగ్యకర జీవనశైలి అలవర్చుకోవడం వంటివి దీర్ఘకాలంలో బరువు తగ్గించగలవు.

2024-05-02T12:15:38Z dg43tfdfdgfd