ఏళ్ళకు ఏళ్లుగా పెళ్లి కావట్లేదా.. ఇక్కడ అభిషేకం నిర్వహిస్తే మీ ఇంట బాజాభజంత్రీలు మోగుతాయట
వేములవాడ రాజరాజేశ్వర స్వామి వారి ఆలయ గర్భగుడి సైతం శ్రీ కేదారేశ్వర స్వామి వారి ఆలయాన్ని పోలినట్లు ఉండడం గమనించవచ్చు..చెంబుడు నీళ్లు పోస్తే చాలు కోరిన కోర్కేలు తీర్చే భోళాశంకరుడు… ఇక్కడ కొన్ని వందల సంవత్సరాలుగా పూజలందుకుంటున్నారు. ముఖ్యంగా పెళ్లికాని వారు ఇక్కడకు వచ్చి..భక్తి శ్రద్ధలతో ఆ కేదారేశ్వరుని పూజిస్తే వారికి వెంటనే మంచి జరుగుతుందని ప్రతీతి. అందుకే పెళ్లికాని యువతీ, యువకులు పెద్ద సంఖ్యలో వచ్చి ఈ ఈశ్వరుడిని దర్శించుకుంటారట . కేదారేశ్వరస్వామి (కుమ్మరి గుడి) దేవాలయం..ఈ స్వామి వారికి మహిమాన్వితమైన శక్తులు ఉన్నాయని, ఇక్కడ పెళ్లి కాని వారు స్వామి వారికి భక్తిశ్రద్ధలతో అభిషేకాలు చేస్తే పుణ్య ఫలంతో పాటు గండాలు తొలగి వివాహం జరుగుతుందని, భక్తుల ప్రగాఢ విశ్వాసమని ఆలయ అర్చకులు అప్పాల భీమా శంకర శర్మ తెలిపారు. ఆలయ పూర్తి వివరాల లోకి వెళితే ... మన దేశం ఎన్నో సంస్కృతి సంప్రదాయాలకు నెలవు. మన దేశంలో ఉన్న ప్రతి ప్రసిద్ధ దేవాలయానికి ఓ చరిత్ర, ప్రాముఖ్యత, విశిష్ఠత ఉంటాయి. అలాగే, ఈ కేదారేశ్వరస్వామి వారికి మహిమాన్వితమైన శక్తులు ఉన్నాయని, ఇక్కడ పెళ్లి కాని వారు స్వామివారికి భక్తిశ్రద్ధలతో అభిషేకాలు చేస్తే పుణ్య ఫలంతో పాటు గండాలు తొలగి వివాహం జరుగుతుందని భక్తుల ప్రగాఢ విశ్వాసం. మరి ఈ ఆలయం ఎక్కడ ఉందో చూద్దాం…రాజన్న సిరిసిల్ల జిల్లాలోని వేములవాడలో ఈ దేవాలయం కొలువై ఉంది. ఈ ఆలయం జైనుల కాలం నాటిదని…ఆ దేవాలయంపై దర్శనమిస్తున్న రాతి శిల్ప కళ చెప్పకనే చెబుతోంది. చాళుక్య రాజులు దీనిని కట్టించారు. ఈ ఆలయంలో లింగరూపేడైన కేదారేశ్వర స్వామి వారి లింగంపై బ్రహ్మ సూక్తం ఉంటుందని, అతి ప్రాచీన శివలింగాలపై మాత్రమే ఈ బ్రహ్మ సూక్తం ఉంటుందని అర్చక స్వాములు చెబుతున్నారు. కేదారేశ్వర ఆలయ మతి పురాతనమైన ఆలయమని, ఆలయ రాతి గోడలపై అనేక రకాల దివ్యమూర్తుల ప్రతిమలు చెక్కారు. ఈ ప్రతిమలు కళానైపుణ్యం చూస్తుంటే అబ్బురపడాల్సిందే. ఆలయం మొత్తం వివిధ దేవతామూర్తులతో కనివిందు చేస్తుంది. ఆలయానికి ఆనుకుని ఉన్న అతి పురాతన విగ్రహాలు చూస్తే జైనుల శిల్ప కళ మనకు దర్శనమిస్తోంది. స్వామివారి ఆలయ ప్రధాన ద్వారం వద్ద రాతితో చెక్కబడిన శిలాశాసనం కనువిందు చేస్తుంది. ఈ శాసనంపై శివలింగం, నంది, గోమాతలతో కలిగిన శాసనం ఉంది. స్వామివారి ఆలయానికి ఉత్తరాన విష్ణుమూర్తి, దక్షిణాన బ్రహ్మదేవుని విగ్రహాలు అత్యంత శోభాయమానంగా దర్శనమిస్తున్నాయి. ఆలయం మొత్తం రాతితో నిర్మించారు. ఆలయ గోపురంపై దేవ దేవుళ్ళ విగ్రహాలు, రథ చక్రాలు, నటరాజ విగ్రహం, నంది, అమ్మవార్ల శిల్పాలు చెక్కబడి ఉన్నాయి. ఆలయ ఆవరణంలో ఆంజనేయ స్వామి విగ్రహం ఉంది. ముందుగా ఆంజనేయ స్వామి వారిని దర్శించుకున్న భక్తులు అనంతరం కేదారేశ్వర స్వామి వారిని దర్శించుకోవడం విశేషం. స్వామివారిని ప్రతిరోజు అధిక సంఖ్యలో స్థానిక భక్తులు దర్శించుకుంటారు. ప్రస్తుతం ఈ దేవాలయం వేములవాడ శ్రీరాజరాజేశ్వర స్వామి వారి ఆలయానికి అనుబంధంగా ఉంది. శ్రీ రాజరాజేశ్వర స్వామి వారిని దర్శించుకున్న భక్తులకు గతంలో ఈ ఆలయం తెలియకపోవడంతో భక్తుల తాకిడి తక్కువగానే ఉండేది. కానీ ప్రస్తుతం భక్తులకు తెలిసేలా స్థానిక ప్రజలు హిందూ సంఘాలు ఆలయ విశిష్టతను తెలియజేస్తున్నారు. మహా శివరాత్రి రోజు స్థానిక భక్తులు కేదారేశ్వర స్వామి వారిని అధిక సంఖ్యలో దర్శించుకొని అభిషేక పూజలు నిర్వహిస్తున్నారని ఆలయ అర్చకులు తెలిపారు.
2024-04-27T10:13:46Z
Horoscope: ఏప్రిల్ 27 రాశిఫలాలు. వారు ఒకటి రెండు శుభవార్తలు వింటారు
Horoscope today:రాశి ఫలాలు ప్రతి రోజూ మారిపోతూ ఉంటాయి. ఒక్కో రోజు.. ఒక్కో రాశి వారికి కలిసొస్తుంది. మరికొందరికి ఇబ్బందులు తలెత్తుతాయి. ఏ రాశి వారికి ఇవాళ ఎలా ఉందో ముందే తెలుసుకుంటే.. ఏవైనా సమస్యలు ఉన్నట్లు అనిపిస్తే.. జాగ్రత్త పడవచ్చు. మరి ఈ రోజు (ఏప్రిల్ 27, 2024 శనివారం)... రాశిఫలాలు ఎలా ఉన్నాయో.. జ్యోతిష పండితులు ఏం సూచించారో తెలుసుకుందాం. మేష రాశి (Aries):గురు, శుక్ర, రవి గ్రహాలు పూర్తిగా అనుకూలంగా ఉన్నందువల్ల ఉద్యోగంలో ప్రాభవం, గౌరవ మర్యాదలు బాగా పెరుగుతాయి. వృత్తి జీవితంలో కూడా దూసుకుపోతారు. వ్యాపారాలు ఆర్థికంగా వేగం పుంజుకుంటాయి. ఆదాయానికి, ఆరోగ్యానికి లోటుండదు. నిరుద్యోగుల ప్రయత్నాలకు సానుకూల స్పందన లభిస్తుంది. దూర ప్రాంతంలో ఉంటున్న బంధువులతో పెళ్లి సంబంధం కుదిరే అవకాశం ఉంది. ఉద్యోగం మారే అవకాశం ఉంది. జీవిత భాగస్వామికి ఆర్థిక పురోగతి లభిస్తుంది. వృషభ రాశి (Taurus):రాహు, బుధ, కుజ గ్రహాలు కాస్తంత అనుకూలంగా ఉన్నందువల్ల ఆశించిన శుభవార్తలు వింటారు. ఉద్యోగ జీవితం కూడా ప్రశాంతంగా సాగిపోతుంది. వృత్తి, వ్యాపారాలు నిలకడగా కొనసాగుతాయి. కొన్ని ముఖ్యమైన వ్యవహారాలను, పనుల్ని విజయవంతంగా పూర్తి చేస్తారు. అదనపు ఆదాయ ప్రయత్నాలు నెరవేరుతాయి. ఇంటా బయటా చాలావరకు అనుకూల వాతావరణం నెలకొంటుంది. కుటుంబ సభ్యుల నుంచి ఒత్తిడి ఉంటుంది. ఆరోగ్యం మీద శ్రద్ధ పెట్టాల్సి ఉంటుంది. మిథున రాశి (Gemini):గురు, రవి, శుక్ర గ్రహాలు పూర్తి స్థాయిలో అనుకూలంగా ఉన్నందువల్ల వృత్తి, ఉద్యోగాలు అనుకూలంగా సాగిపోతాయి. వ్యాపారాలు కూడా అంచనాకు మించి లాభాలు అందిస్తాయి. ఆర్థిక విషయాల్లో సమయం బాగా అనుకూలంగా ఉంటుంది. ముఖ్యమైన ప్రయత్నాలు, వ్యవహారాలు సానుకూలం అవుతాయి. నిదానంగా, నిబ్బరంగా నిర్ణయాలు తీసుకుని అమలు చేయడం మంచిది. ఆరోగ్యం విషయంలో జాగ్రత్తగా ఉండడం మంచిది. ఒకటి రెండు శుభవార్తలు వింటారు. కర్కాటక రాశి (Cancer):కుజ, గురు, రవి గ్రహాల అనుకూలత వల్ల ఆదాయం బాగా పెరుగుతుంది. ఆదాయ ప్రయత్నాలు విజయవంతం అవుతాయి. వృత్తి, ఉద్యోగాల్లో మాటకు విలువ పెరుగుతుంది. వ్యాపారాలు అనుకూలంగా ఉంటాయి. లాభదాయకమైన స్నేహాలు ఏర్పడతాయి. కొన్న కీలకమైన ఆర్థిక సమస్యల నుంచి ఊరట లభిస్తుంది. ఇతరుల వ్యవహారాల్లో జోక్యం చేసుకోకపోవడం మంచిది. కొత్త ఉద్యోగ ప్రయత్నాలకు ఇది అనుకూల సమయం. కొన్ని వ్యక్తిగత సమస్యల నుంచి బయటపడతారు. సింహ రాశి (Leo):రాశ్యధిపతి రవి, గురువు, శుక్రుడు అనుకూలంగా ఉన్నందువల్ల వృత్తి, వ్యాపారాలు లాభాల బాట పడతాయి. మీ వ్యూహాలు, ఆలోచనలు సత్ఫలితాలనిస్తాయి. ఉద్యోగాల్లో అధికారులకు సన్నిహితం అవుతారు. కొన్ని ముఖ్యమైన వ్యవహారాలను పూర్తి చేయడం మంచిది. ఆర్థిక వ్యవహారాలు, ఆర్థిక ప్రయత్నాలు ఆశించిన ఫలితాలనిస్తాయి. ఆరోగ్యం విషయంలో వీలైనంత జాగ్రత్తగా ఉండడం మంచిది. నిరుద్యోగులకు దూర ప్రాంతంలో మంచి ఉద్యోగం లభించే అవకాశం ఉంది. కన్య రాశి (Virgo):రాశ్యధిపతి బుధుడు సప్తమంలో అనుకూలంగా ఉన్నందువల్ల, ఉద్యోగంలో ప్రాధాన్యం పెరుగుతుంది. ఏ ప్రయత్నం తలపెట్టినా సఫలం అవుతుంది. మీ వ్యవహారాలను పట్టుదలగా పూర్తి చేయడం మంచిది. ముఖ్యమైన పెండింగ్ పనులు పూర్తి అవుతాయి. అనవసర పరిచయాలకు దూరంగా ఉండాలి. రావలసిన డబ్బు చేతికి అందుతుంది. అధికారుల నుంచి ఆశించిన ప్రోత్సా హకాలు అందుకుంటారు. వృత్తి జీవితంలో తీరిక ఉండదు. వ్యాపారాలు బాగా కలిసి వస్తాయి. తుల రాశి (Libra):గురు, శుక్ర గ్రహాలు అనుకూలంగా ఉన్నందువల్ల ఆర్థిక పరిస్థితులు మరింతగా మెరుగుపడతాయి. ముఖ్యమైన చెల్లింపులు జరిగిపోతాయి. బ్యాంక్ బ్యాలెన్స్ పెరుగుతుంది. వృత్తి, ఉద్యోగాల్లో ఆలోచించి నిర్ణయాలు తీసుకోవాలి. ముఖ్యమైన వ్యవహారాలకు సమయం అనుకూలంగా ఉంది. ఉద్యోగంలో జీతభత్యాలకు సంబంధించిన శుభ వార్తలు వింటారు. ఆదాయం నిలకడగా ఉంటుంది. శుభ కార్యాలు, కుటుంబం మీద ఖర్చులు పెరగవచ్చు. ఇతరులకు మేలు జరిగే పనులు చేస్తారు. వృశ్చిక రాశి (Scorpio):రాశ్యధిపతి కుజుడు, రవి గ్రహాల సంచారం కొద్దిగా అనుకూలంగా ఉన్న ఫలితంగా అనుకున్న పనులు అనుకున్నట్టు పూర్తవుతాయి. బంధుమిత్రుల నుంచి అవసరమైన సహాయ సహకారాలు అందుతాయి. వృత్తి, వ్యాపారాల్లో మార్పులు చేసి లబ్ధి పొందుతారు. నిరుద్యోగులకు కొత్త ఆపర్లు అందుతాయి. ఉద్యోగంలో అనుకూల వాతావరణం నెలకొంటుంది. ముఖ్యమైన వ్యవహారాల్లో కార్య సిద్ధి ఉంటుంది. అప్రయత్న ధన లాభానికి అవకాశం ఉంది. ఆదాయ ప్రయత్నాలు చాలా వరకు విజయవంతం అవుతాయి. ఏ నిర్ణయమైనా కుటుంబ సభ్యులతో కలిసి తీసుకోవడం మంచిది. ధనస్సు రాశి (Sagittarius):గురు, శుక్ర, రవి గ్రహాలు బాగా అనుకూలంగా ఉన్నందువల్ల అన్ని రంగాల వారికి సమయం అనుకూలంగా ఉంది. వృత్తి, ఉద్యోగాల్లో ఆశించిన ప్రోత్సాహకాలు అందుతాయి. ఆదరణ పెరుగుతుంది. వ్యాపారాల్లో రాబడి పెరుగుతుంది. తోబుట్టువులతో వివాదాలు పరిష్కరించుకుంటారు. ఉద్యోగం మారడానికి అవకాశం ఉంది. ముఖ్యమైన పనులు పూర్తి చేస్తారు. నిరుద్యోగులకు ఆశించిన ఆఫర్లు అంది వస్తాయి. ఆర్థిక స్థిరత్వాలు చోటు చేసుకుంటాయి. ఆరోగ్యం బాగానే ఉంటుంది. మకర రాశి (Capricorn):కుజ, శుక్ర గ్రహాలు అనుకూలంగా ఉండడం వల్ల ఎటువంటి ప్రయత్నమైనా సానుకూల ఫలితాలు ఇచ్చే అవకాశం ఉంది. ముఖ్యంగా ఉద్యోగ, పెళ్లి ప్రయత్నాలు తప్పకుండా సఫలం అవుతాయి. నిరుద్యోగులకు విదేశాల నుంచి కూడా ఆఫర్లు వచ్చే సూచనలు ఉన్నాయి. ఉద్యోగ జీవితంలో ఒత్తిడి తగ్గుతుంది. వృత్తి, వ్యాపారాలు బిజీ అవుతాయి. ముఖ్యమైన వ్యవహారాలు సకాలంలో పూర్తవుతాయి. దూర ప్రాంతంలో ఉన్న పిల్లల నుంచి ఆశించిన సమాచారం అందుతుంది. కుంభ రాశి (Aquarius):కుజ, రవి సంచారం అనుకూలంగా ఉన్నందువల్ల ఉద్యోగ సంబంధ మైన ఎటువంటి ప్రయత్నం అయినా కలిసి వస్తుంది. ఉద్యోగంలో మార్పులు, చేర్పులకు అవకాశం ఉంది. వ్యక్తిగత సమస్యల నుంచి బయటపడే అవకాశం ఉంది. డాక్టర్లు, లాయర్లు తదితర వృత్తుల వారికి అవకాశాలు పెరుగుతాయి. బంధుమిత్రులతో విందులు, వినోదాలకు ప్లాన్ చేస్తారు. కుటుంబ సభ్యుల సహాయ సహకారాలు లభిస్తాయి. సోదర వర్గంతో అనుకోకుండా స్థిరాస్తి వివాదం పరిష్కారం అవుతుంది. మీన రాశి (Pisces):బుధ, గురు, శుక్ర గ్రహాలు అనుకూలంగా ఉన్నందువల్ల లాభాలపరంగా వృత్తి, వ్యాపారాలు బాగా పుంజుకుంటాయి. ఉద్యోగంలో సానుకూల మార్పులు చోటు చేసుకుంటాయి. ముఖ్యమైన వ్యవహారాల్లో అప్రయత్న కార్యసిద్ధి కలుగుతుంది. ఆశించిన స్థాయిలో లాభాలు పెరుగుతాయి. ఆర్థిక పరిస్థితి గతం కంటే మెరుగ్గా ఉంటుంది. ఆహార, విహారాల్లో జాగ్రత్తగా ఉండడం మంచిది. సన్నిహితుల వల్ల ఆర్థికంగా నష్టపోయే అవకాశం ఉంది. నిరుద్యోగులకు మంచి సంస్థల నుంచి ఆఫర్లు అందుతాయి. Disclaimer: ఈ కథనం ప్రజల విశ్వాసాలు, ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇవ్వబడింది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలూ లేవు.
2024-04-26T23:11:37Z
Grah Gochar 2024: మే నెలలో ఈ రాశులకు లాటరీ తగులుతుంది.. పట్టిందల్లా బంగారం..!
మే 2024 ప్రారంభం కావడానికి కొన్ని రోజుల సమయం మాత్రమే ఉన్నందున, గురు , శుక్రుడు సహా 4 ప్రధాన గ్రహాల సంకేతాలు మారబోతున్నాయి. బృహస్పతి వృషభరాశిలో, బుధుడు మేషరాశిలో, సూర్యుడు వృషభరాశిలో, శుక్రుడు వృషభరాశిలో సంచరిస్తారు. ఈ 4 ప్రధాన గ్రహాల సంచారం కారణంగా, తులారాశితో సహా 5 రాశిచక్రాల వ్యక్తులు లాటరీని గెలుచుకోవచ్చు . వారి సంవృత అదృష్టాలు తెరవబడతాయి. ఈ ప్రధాన గ్రహాల శుభ ప్రభావం కారణంగా, ఈ రాశిచక్రం యొక్క స్థానికుల జీవితంలో ఆహ్లాదకరమైన మరియు సానుకూల మార్పులు ఉంటాయి. తిరుపతి జ్యోతిష్య పండితులు డా. కృష్ణ కుమార్ భార్గవ ప్రకారం, మే 1 మధ్యాహ్నం 01:50 గంటలకు బృహస్పతి వృషభరాశిలోకి ప్రవేశిస్తుంది. మే 10, 07:03 (సాయంత్రం) బుధుడు మేషరాశిలోకి మారతాడు. మే 14 సాయంత్రం 06:04 గంటలకు గ్రహాల పాలకుడు సూర్యుడు వృషభ రాశిలోకి సంచరిస్తాడు. మే 19 ఉదయం 08:51 గంటలకు శుక్రుడు వృషభరాశిలోకి ప్రవేశిస్తాడు. ఈ గ్రహ సంచారం వల్ల ఏ 5 రాశుల వారు ప్రయోజనం పొందగలరో తెలుసుకోండి. మేషం: మేలో 4 ప్రధాన గ్రహాల సంచారం కారణంగా, మీ రాశి స్థానికులు వారి జీవితంలో ఆహ్లాదకరమైన మార్పులను చూస్తారు. ఉద్యోగాలు , వ్యాపారాలలో పని చేసే వ్యక్తులు విజయం సాధిస్తారు. మీరు ఏ పనిని ఎంచుకున్నా, అందులో విజయం సాధించవచ్చు. మీరు మీ ఆదాయాన్ని పెంచుకోవడానికి కొత్త వనరులను అభివృద్ధి చేస్తారు, తద్వారా మీరు విజయం సాధించగలరు. ఉద్యోగులు ర్యాంక్ మరియు హోదాలో ప్రమోషన్ పొందవచ్చు లేదా వారు కొత్త ఉద్యోగ ప్రతిపాదనను పొందవచ్చు. అవివాహితులకు వివాహం నిశ్చయమవుతుంది. వైవాహిక జీవితం ఆనందంగా ఉంటుంది. ఈ నెల మీకు అదృష్టం యొక్క పూర్తి మద్దతు లభిస్తుందని అనిపిస్తుంది. వృషభం: శుక్ర, గురు, బుధ, సూర్య రాశుల మార్పులు మిమ్మల్ని ధనవంతులను చేస్తాయి. మీ ఆదాయం పెరుగుతుంది. మీ ఆర్థిక స్థితి గతంలో కంటే బలంగా ఉంటుంది. మీరు గతంలో కంటే ఎక్కువ ఆదా చేయవచ్చు. ఆకస్మిక ఆర్థిక లాభాలు కూడా ఉండవచ్చు. వర్కింగ్ వ్యక్తులు కొత్త ఉద్యోగాల కోసం ఆఫర్‌లను పొందవచ్చు, ఎందుకంటే కెరీర్ కోణం నుండి సమయం మీకు అనుకూలంగా ఉంటుంది. వ్యాపారం చేస్తున్న వారు కొత్త భాగస్వామిని పొందవచ్చు లేదా మీరు కొన్ని కొత్త ఆలోచనలపై పని చేయవచ్చు, ఇది మీ ముందుకు వెళ్లే మార్గాన్ని సులభతరం చేస్తుంది. సింహం: మీ రాశికి బంగారు కాలం రాబోతున్నందున ఈ 4 ప్రధాన గ్రహ మార్పులు మీకు లాటరీ లాగా ఉంటాయి. మీ కెరీర్ కొత్త శిఖరాలకు చేరుకుంటుంది, ఎందుకంటే మీరు కొన్ని బంగారు అవకాశాలను పొందుతారు, వీటిని మీరు మిస్ చేయకూడదు. పనిలో మీ ప్రభావం , కీర్తి కూడా పెరుగుతుంది. ఈ సమయంలో, మీరు ఆస్తిలో పెట్టుబడి పెట్టవచ్చు లేదా పాత పెట్టుబడుల నుండి గొప్ప ప్రయోజనాలను పొందవచ్చు. మకరం: శుక్రుడు, గురు, బుధుడు మరియు సూర్యుని యొక్క మంచి ప్రభావాలు మీ జీవితంలో చూడవచ్చు. ఈ గ్రహ రాశి మార్పు వృత్తికి శుభప్రదంగా ఉంటుంది. ఉద్యోగం లేదా వ్యాపారంలో ఉన్న వారికి కొన్ని శుభవార్తలు అందుతాయి. చాలా కాలంగా ఉద్యోగం కోసం ఎదురు చూస్తున్న వారికి విజయం లభిస్తుంది. ఈ నెల మీకు విజయాన్ని అందించబోతోంది. మీ ప్రయత్నాలను సడలించవద్దు. మీరు డబ్బు సంపాదించడానికి కొన్ని కొత్త పనిని ప్రారంభించవచ్చు.
2024-04-27T16:29:41Z