రెండో శనివారం మాత్రమే ఎందుకు సెలవు ఇస్తారు.. 90% మందికి తెలియని రహస్యం ఇదే..!
సాధారణంగా స్కూళ్లు, కాలేజీలు, ఏదైనా ప్రొఫెషనల్ ఇన్ స్టిట్యూషన్ కు వారానికి ఒక్కసారైనా సెలవులు ఉంటాయి. ఇది పురాతన కాలం నుండి ఆచరణలో ఉంది. ఆదివారాల్లో స్కూళ్లు, కాలేజీలు, బ్యాంకులు, విద్యాసంస్థలకు సెలవు ఇస్తుంటారు. భారతదేశంతో సహా అనేక దేశాలలో, బ్యాంకులు, ప్రభుత్వ కార్యాలయాలు మరియు కొన్ని ప్రైవేట్ సంస్థలు ప్రతి నెల రెండవ శనివారం సెలవు ఇస్తుంటారు. రెండో శనివారం సెలవు దినమని అందరికీ తెలుసు.. కానీ శనివారం సెలవు ఎందుకు వచ్చింది అని మీరు ఎప్పుడైనా ఆలోచించారా..? దీనికి కారణం ఉంది. 19వ శతాబ్దంలో ఒక బ్రిటీష్ అధికారికి సహాయకుడు ఉండేవాడంట.. అతడు తన వృద్ధులైన తల్లిదండ్రులను కలిసేందుకు సెలవుల్లో మాత్రమే పట్టణానికి వెళ్లేవాడంట. కొన్నిసార్లు అది సాధ్యం అయ్యేది కాదంట. దీంతో అతడిని చూసేందుకు వృద్ధులైన తల్లిదండ్రులు వచ్చేవారంట. ఈ విషయం తెలిసిన ఇంగ్లిష్ ఆఫీసర్ ప్రతి నెల రెండో శనివారం పట్టణానికి వెళ్లేందుకు అసిస్టెంట్ లీవ్ ఇచ్చాడంట. అప్పటి నుండి బ్రిటిష్ ప్రభుత్వం అధికారికంగా రెండవ శనివారం సెలవు ఇవ్వడం ప్రారంభించింది. స్వాతంత్రం తర్వాత కూడా భారత ప్రభుత్వం ఈ సెలవుదినాన్ని పాటిస్తోంది. రెండో శనివారం సెలవు ఇవ్వడం వెనుక నిజం ఇదే. బ్రిటిష్ వారు ప్రారంభించిన 2వ శనివారం సెలవు ఇప్పటికీ అమలులో ఉంది. ఇక ఆదివారం సెలవు వెనకు కూడా కారణం ఉంది. క్రిస్టియానిటీ ప్రకారం దేవుడు ప్రపంచాన్ని 6 రోజుల్లో సృష్టించాడు. సృజనాత్మక చర్యతో విసిగిపోయిన ఆయన ఆదివారం విశ్రాంతి తీసుకున్నారు. దీంతో ఆదివారం క్రైస్తవులకు ప్రత్యేకమైన రోజుగా మారింది. క్రైస్తవ మతాన్ని అనుసరించిన బ్రిటీష్ వారు ప్రపంచంలోని అన్ని దేశాలను పాలించారు. దీంతో వారు దాదాపు అన్ని చోట్లా ఆదివారం సెలవు పెట్టారు. 1843 నుండి భారతదేశంలో ఆదివారపు సెలవులు అమలులోకి వచ్చాయి. చరిత్ర ప్రకారం, 321 మార్చి 7 న, క్రైస్తవ మతంలోకి మారిన మొదటి రోమన్ పాలకుడు అయిన చక్రవర్తి కాన్స్టాంటిన్ ఆదివారం ప్రజలు చర్చికి వెళ్ళడానికి ప్రభుత్వ సెలవు దినంగా ప్రకటించాడు. ఆదివారం వారంలో 7 వ మరియు చివరి రోజు. 1844లో బ్రిటిష్ గవర్నర్ జనరల్ పాఠశాలకు వెళ్లే విద్యార్థుల కోసం 'సండే హాలిడే'ను ప్రవేశపెట్టారు. ఈ రోజు యొక్క సందర్భం విద్యార్థులు కొన్ని సృజనాత్మక కార్యకలాపాలలో పాల్గొనడానికి.. రోజువారీ చదువుల నుండి విరామం తీసుకోవడానికి అనుమతిస్తుంది. భారతదేశం బ్రిటిష్ పాలనలో ఉన్నప్పుడు, భారతదేశంలోని మిల్లు కార్మికులు వారానికి ఏడు రోజులు కష్టపడాల్సి వచ్చేది. వారికి విశ్రాంతి తీసుకోవడానికి సెలవులు లేవు. కానీ బ్రిటిష్ అధికారులు మరియు కార్మికులు ప్రతి ఆదివారం ప్రార్థన చేయడానికి చర్చికి వెళ్ళేవారు.. కాబట్టి తరువాత మిల్లు కార్మికులకు కూడా ఆదివారం సెలవు ఇచ్చారు.
2024-07-26T15:55:04Z
సంతోషకరమైన జీవితం గడపాలంటే.. ముందు ఈ పనులు చేయండి..!
మనిషిగా పుట్టిన ప్రతి ఒక్కరి జీవితంలో కష్టాలు ఉంటాయి. చదువు, ఉద్యోగం, కుటుంబం, ఖర్చులు, పొదుపు, భవిష్యత్తు ఇలా ఏదో ఒక భయం, ఆందోళన జీవితాంతం వెంటాడుతూనే ఉంటుంది. జీవితం కంప్యూటరైజ్డ్‌గా మారడంతో ప్రజలకు ఒత్తిడికి లోటు ఉండదు. అయితే శారీరక ఆరోగ్యంతో పాటు మానసిక ఆరోగ్యానికి కూడా అంతే ప్రాధాన్యత ఇవ్వాలనే విషయం మర్చిపోవద్దు. జీవితంలో ఎలాంటి బాధను ఎదుర్కొన్నా సానుకూలంగా ఉండేందుకు నిపుణులు సిఫార్సు చేసిన కొన్ని పద్ధతులు ఉన్నాయి.. వాటిని అనుసరించడం వల్ల మీ మానసిక ఆరోగ్యం మెరుగుపడుతుంది. వాటి గురించి ఇప్పుడు తెలుసుకుందాం. నేటి ఆన్‌లైన్ ప్రపంచంలో ఇతరుల కోసం సమయాన్ని కేటాయించడం, వారితో మనసులోని మాటను మాట్లాడటం ఎవరూ ఇష్టపడరు. కుటుంబ సభ్యులు, స్నేహితులు, సహోద్యోగులు వంటి మీకు ప్రియమైన వారితో వ్యక్తిగతంగా సమయం గడపండి. మీరు వారితో కలిసి భోజనం చేయవచ్చు, బయటకు వెళ్లవచ్చు, ఆ రోజు జరిగిన విషయాలను చర్చించండి. చురుకుగా ఉండటం మీ శారీరక ఆరోగ్యానికే కాదు, మీ మానసిక ఆరోగ్యానికి కూడా మంచిది. మనం ఆరోగ్యంగా ఉన్నప్పుడే మన మానసిక స్థితి కూడా ఆరోగ్యంగా ఉంటుంది. స్విమ్మింగ్, సైక్లింగ్, వాకింగ్, జాగింగ్ క్రమం తప్పకుండా చేయడం మంచిది. ఎప్పుడూ కొత్త విషయాలు నేర్చుకోవాలని పెద్దలు చెపుతుంటారు.. ఇది మీ ఆత్మవిశ్వాసాన్ని పెంచడంలో కూడా సహాయపడుతుంది. కొత్తది నేర్చుకోవాలని ప్రయత్నిస్తున్నప్పుడు, మీరు స్వయంచాలకంగా కొత్త వ్యక్తులను కలుసుకుంటారు స్నేహితులను చేసుకుంటారు. అయితే మీకు ఏది ఇష్టమో అదే నేర్చుకోండి. మీకు నచ్చని విషయాలను నేర్చుకోవడానికి ప్రయత్నించినప్పుడు పరిస్థితి మరింత దిగజారుతుంది. ఎవరైనా మనకు బహుమతి ఇస్తే ఎంత ఆనందంగా ఉంటుంది. ఇతరులకు బహుమతులు ఇచ్చినప్పుడు కూడా అంతే ఆనందం కలుగుతుందని నిపుణులు చెబుతున్నారు. కుటుంబ సభ్యులు, స్నేహితులు వంటి వారికి చిన్నచిన్న బహుమతులు ఇచ్చి బోనస్‌గా ఆనందాన్ని పొందవచ్చు. జరిగిన వాటిని ఎప్పటికీ మార్చలేము... కానీ వాటిని దాటవేయవచ్చు. ఎప్పుడో చేసిన తప్పుకు పశ్చాత్తాపపడి ప్రయోజనం లేదు. అదేవిధంగా భవిష్యత్తు గురించి భయపడాల్సిన అవసరం లేదు. కాబట్టి మీ మనస్సును ఎల్లప్పుడూ వర్తమానంలో ఉంచుకోండి. అప్పుడే మీరు సంతోషంగా ఉంటారు.
2024-05-23T15:59:09Z
Horoscope: జూలై 27 రాశిఫలాలు.. ఈ రాశి వారి చిరకాల కోరిక నెరవేరుతుంది..!
Rasiphalalu today:పన్నెండు రాశుల్లో ఇవాళ (27, జూలై 2024 శనివారం) ఏ రాశి వారికి ఎలా ఉంటుంది? ఎవరికి అదృష్టం కలిసొస్తుంది? ఎవరికి ఆర్థిక పరిస్థితులు అనుకూలంగా ఉంటాయి? ఎవరిపై శని ప్రభావం ఉంటుంది? తెలుసుకుందాం. మేష రాశి (Aries):ఉద్యోగంలో అధికారుల నుంచి ఆదరణ, ప్రోత్సాహం లభిస్తాయి. డాక్టర్లు, లాయర్ల వంటి వృత్తుల వారికి క్షణం కూడా తీరిక లేని పరిస్థితి ఏర్పడుతుంది. ఆదాయం అనేక విధాలుగా పెరుగుతుంది. లాభాలపరంగా వ్యాపారాలకు ఢోకా ఉండదు. ఇంటా బయటా మాటకు విలువ పెరుగుతుంది. వ్యక్తిగత సమస్యలకు పరిష్కారం లభిస్తుంది. సోదరులతో సఖ్యత, సాన్నిహిత్యం పెరుగుతాయి. కుటుంబ జీవితం అనుకూలంగా సాగిపోతుంది. మిత్రుల సహాయంతో కొన్ని పనులు పూర్తవుతాయి. వృషభ రాశి (Taurus):ఆదాయం నిలకడగా ఉంటుంది. ఒకటి రెండు ఆదాయ ప్రయత్నాలు ఫలిస్తాయి. కానీ, అనవసర ఖర్చులు మాత్రం అదుపు లేకుండా సాగిపోతాయి. ముఖ్యమైన పనులన్నీ నిరాఘంటంగా పూర్తవుతాయి. బంధువుల నుంచి విమర్శలు వస్తాయి. ఇష్టమైన మిత్రులతో సరదాగా కాలక్షేపం చేస్తారు. వృత్తి, వ్యాపారాల్లో రాబడి పెరుగుతుంది. ఉద్యోగంలో పని భారం పెరుగుతుంది. ఉద్యోగ ప్రయత్నాలను కొనసాగించడం మంచిది. ఆహార, విహారాల్లో కాస్తంత జాగ్రత్తగా ఉండడం అవసరం. మిథున రాశి (Gemini):వృత్తి, వ్యాపారాలు ఆశాజనకంగా సాగిపోతాయి. ఉద్యోగ వాతావరణం బాగా అనుకూలంగా ఉంటుంది. ఆదాయం బాగానే పెరుగుతుంది కానీ, అనవసర ఖర్చులతో ఇబ్బంది పడతారు. పిల్లల చదువుల విషయంలో శుభవార్త వింటారు. జీవిత భాగస్వామికి ధరపరంగా అదృష్టం పడుతుంది. కుటుంబసమేతంగా ఇష్టమైన ఆలయాలను సందర్శిస్తారు. దైవ కార్యాలకు సహాయ పడతారు. స్నేహితుల సహాయంతో కొన్ని ముఖ్యమైన పనుల్ని పూర్తి చేస్తారు. ప్రయాణాలు లాభిస్తాయి. కర్కాటక రాశి (Cancer):కుటుంబసమేతంగా పుణ్యక్షేత్రాన్ని సందర్శిస్తారు. ఆర్థిక పరిస్థితి బాగా మెరుగ్గా ఉంటుంది. ఒకరి ద్దరు సన్నిహితులకు ఆర్థికంగా సహాయం చేస్తారు. మంచి పరిచయాలు ఏర్పడతాయి. మనసులోని కోరిక ఒకటి అనుకోకుండా నెరవేరుతుంది. వృత్తి జీవితం చాలావరకు బిజీగా సాగిపోతుంది. ఉద్యోగంలో అదనపు బాధ్యతలు మీద పడతాయి. నష్టదాయక పనుల జోలికి పోవద్దు. వ్యాపా రాలు అభివృద్ధి బాటపడతాయి. కుటుంబ జీవితం హ్యాపీగా సాగిపోతుంది. ఆరోగ్యం బాగానే ఉంటుంది. సింహ రాశి (Leo):వృత్తి, ఉద్యోగాల్లో మీ మాటకు విలువ పెరుగుతుంది. అధికారుల నుంచి ఆదరణ లభిస్తుంది. చిన్ననాటి మిత్రులతో విందులు, వినోదాల్లో పాల్గొంటారు. ఆదాయ ప్రయత్నాలు ఆశాజనకంగా సాగిపోతాయి. వ్యాపారంలో పోటీదార్ల సమస్యలను అధిగమిస్తారు. ఇంటా బయటా అనుకూల తలు బాగా పెరుగుతాయి. ప్రస్తుతానికి ప్రయాణాల్ని వాయిదా వేసుకోవడం మంచిది. ఆర్థిక ప్రయ త్నాలు సత్ఫలితాలనిస్తాయి. రావలసిన డబ్బు చేతికి అందుతుంది. ఆరోగ్యం బాగానే ఉంటుంది. కన్య రాశి (Virgo):జీవిత భాగస్వామితో కలిసి వస్త్రాభరణాలు కొనుగోలు చేస్తారు. అనుకోకుండా సామాజిక సేవా కార్యక్రమంలో పాల్గొంటారు. అన్ని రంగాల వారికి సమయం బాగా అనుకూలంగా ఉంది. ముఖ్య మైన వ్యవహారాలన్నీ సంతృప్తికరంగా పూర్తవుతాయి. కొన్ని ముఖ్యమైన ప్రయత్నాలలో ఆశించిన ఫలితాలను సాధిస్తారు. ఉద్యోగంలో అధికారులతో సమస్యలు పరిష్కారం అవుతాయి. వ్యాపారాలు చాలావరకు లాభసాటిగా ముందుకు సాగుతాయి. వృత్తి జీవితం బాగా బిజీ అవుతుంది. తుల రాశి (Libra):ఉద్యోగంలో అధికారులతో ఆచితూచి వ్యవహరించాల్సి ఉంటుంది. వృత్తి, వ్యాపారాల్లో శ్రమాధిక్యత ఉన్నా ప్రతిఫలం ఉంటుంది. పనులను పూర్తి చేయడంలో కొద్దిగా ఒత్తిడి, శ్రమ ఉండే అవకాశం ఉంది. కుటుంబ సభ్యులతో మాట పట్టింపులు రాకుండా చూసుకోవాలి. పిల్లల చదువుల విష యంలో ఆశించిన సమాచారం అందుతుంది. ఆదాయంలో ఊహించని పెరుగుదల ఉంటుంది. ప్రయాణాల వల్ల ఉపయోగం ఉంటుంది. నిరుద్యోగులకు ఉద్యోగ ప్రయత్నాల్లో శుభవార్త అందుతుంది. వృశ్చిక రాశి (Scorpio):ఇంటా బయటా అనుకూలతలు పెరుగుతాయి. మంచి పరిచయాలు ఏర్పడతాయి. జీవిత భాగస్వామితో కలిసి వస్త్రాభరణాలు కొనుగోలు చేస్తారు. సోదరులతో సంబంధాలు మెరుగుపడతాయి. కొద్ది శ్రమతతో ముఖ్యమైన పనులు పూర్తవుతాయి. కుటుంబంలో సంతోషకర వాతావరణం నెల కొంటుంది. ఉద్యోగ జీవితం ఉత్సాహంగా సాగిపోతుంది. అన్ని వైపుల నుంచి ఆదాయం పెరుగుతుంది. వృత్తి, వ్యాపారాలు లాభసాటిగా సాగుతాయి. పిల్లల నుంచి ఆశించిన సమాచారం అందుతుంది. ధనస్సు రాశి (Sagittarius):వృత్తి, వ్యాపారాల్లో కొద్దిగా మార్పులు చేపడతారు. కుటుంబానికి సంబంధించి సరైన నిర్ణయాలు తీసుకుని ఆచరణలో పెడతారు. ఉద్యోగంలో బాధ్యతల నిర్వహణలో ఇతరులతో పోటీపడతారు. ఆర్థిక పరిస్థితి స్థిరంగా కొనసాగుతుంది. ఆదాయానికి మించిన ఖర్చులుండే అవకాశముంది. జీవిత భాగస్వామితో జాగ్రత్తగా వ్యవహరించడం మంచిది. వ్యక్తిగత సమస్యలకు ఊహించని పరి ష్కారం లభిస్తుంది. మంచి పరిచయాలు ఏర్పడతాయి. ఇష్టమైన మిత్రుల మీద బాగా ఖర్చు పెడతారు. మకర రాశి (Capricorn):కుటుంబ సభ్యులతో విభేదించే అవకాశం ఉంది. ఒకరిద్దరు బంధువులతో అపార్థాలు తలెత్తవచ్చు. ఉద్యోగంలో మీ మాటకు విలువ పెరుగుతుంది. అధికారులకు మీ అభిప్రాయాలు స్వీకరిస్తారు. ఆర్థిక పరిస్థితి బాగా మెరుగ్గా ఉంటుంది. ముఖ్యమైన వ్యవహారాల్లో అనుకోని కార్యసిద్ధి ఉంటుంది. వృత్తి, వ్యాపారాల్లో మంచి నిర్ణయాలు తీసుకుంటారు. నిరుద్యోగులకు ఆశించిన అవకాశాలు అందుతాయి. ఆరోగ్యం నిలకడగా ఉంటుంది. దూర ప్రాంతం నుంచి అనుకోని శుభవార్త వింటారు. కుంభ రాశి (Aquarius):ఆదాయం కొద్దిగాను, ఖర్చులు భారీగానూ పెరిగే అవకాశం ఉంది. అదనపు ఆదాయ మార్గాల వల్ల శారీరక శ్రమ బాగా పెరుగుతుంది. కొద్దిగా అనారోగ్య సమస్య బాధపెడుతుంది. ముఖ్యమైన వ్యవహారాలు వ్యయ ప్రయాసలతో పూర్తి అవుతాయి. వృత్తి, వ్యాపారాలు ఎటువంటి ఒడిదుడు కులూ లేకుండా ముందుకు వెడతాయి. ఉద్యోగంలో అనుకోని ప్రోత్సాహకాలు అందుకుంటారు. కుటుంబ సభ్యుల నుంచి ఆశించిన సహాయ సహకారాలు లభిస్తాయి. ప్రయాణాల్లో ఇబ్బంది పడతారు. మీన రాశి (Pisces):సామాజిక సేవా కార్యక్రమాల్లో ఎక్కువగా పాల్గొంటారు. ఏ ప్రయత్నం తలపెట్టినా విజయాలు సాధి స్తారు. కొన్ని ముఖ్యమైన పనులు తేలికగా పూర్తవుతాయి. ఆదాయానికి లోటుండదు. ఖర్చులు తగ్గించుకోవడం మంచిది. సంతానానికి సంబంధించి ఉద్యోగ, వివాహ ప్రయత్నాలు సత్ఫలితాల నిస్తాయి. కుటుంబ వ్యవహారాల్లో బంధువుల జోక్యం పెరిగి ఇబ్బంది పడతారు. ఉద్యోగంలో పనిభారం పెరుగుతుంది. వృత్తి, వ్యాపారాల్లో కూడా కొద్దిగా ఒత్తిడి ఉంటుంది. ఆరోగ్యం పరవాలేదు. Disclaimer: ఈ కథనం ప్రజల విశ్వాసాలు, ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇవ్వబడింది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలూ లేవు.
2024-07-26T23:40:42Z
ఈ 6 రాశుల వారికి రాజయోగం పట్టబోతోంది.. ఇక మీకు పట్టిందల్లా బంగారమే..!
ఈ నెల 31 నుంచి ఆగస్టు 24 వరకు శుక్రుడు సింహ రాశిలో సంచారం చేయడం జరుగుతోంది. ఈ రాశిలో ఇప్పటికే సంచారం చేస్తున్న బుధుడితో కలవడంతో పాటు, కుంభ రాశి నుంచి శనీశ్వరుడి వీక్షణ కూడా పొందుతున్నందువల్ల శుక్రుడు ఈ రాశిలో అత్యంత శక్తిమంతంగా పని చేయడం జరుగుతుంది. రాజకీయాల్లో ఉన్నవారికి, ప్రభుత్వంలో ఉన్నవారికి తప్పకుండా రాజయోగాలు పడతాయి. ఇతర రంగాల్లో ఉన్నవారికి రాజకీయ ప్రముఖులతో లాభదాయక పరిచయాలు పెరగడం, ప్రభుత్వ మూలక ధన లాభం లభించడం, ప్రభుత్వం నుంచి గుర్తింపు లభించడం వంటివి జరుగుతాయి. కొద్ది శ్రమతో ఆదాయం బాగా పెరుగుతుంది. ఉద్యోగంలో పదోన్నతులకు అవకాశం ఉంటుంది. మేషం, వృషభం, కర్కాటకం, తుల, వృశ్చికం, ధనూ రాశుల వారికి శుక్ర సంబంధమైన యోగాలన్నీ పట్టే అవకాశం ఉంది. మేషం: ఈ రాశికి పంచమ స్థానంలో శుక్ర సంచారం వల్ల జీవితంలో సుఖ సంతోషాలు వృద్ధి చెందడమే కాకుండా, మానసిక ప్రశాంతత ఏర్పడుతుంది. ఏ ప్రయత్నం తలపెట్టినా విజయం సాధిస్తారు. రాజకీయ ప్రముఖులతో లాభదాయక పరిచయాలు ఏర్పడతాయి. ప్రభుత్వం నుంచి గుర్తింపు లభిస్తుంది. ఆదాయం క్రమంగా వృద్ధి చెందుతుంది. వ్యక్తిగత, ఆర్థిక సమస్యల నుంచి విముక్తి లభిస్తుంది. నిరుద్యోగులు ఆశించిన ఉద్యోగం సంపాదించుకుంటారు. ఆరోగ్యగం మెరుగ్గా ఉంటుంది. వృషభం: రాశ్యధిపతి శుక్రుడు రవి గ్రహానికి చెందిన సింహ రాశిలో సంచారం చేస్తున్నందువల్ల వృత్తి, ఉద్యో గాల్లో నాయకత్వ హోదా లభించే అవకాశం ఉంటుంది. వృత్తి, వ్యాపారాల్లో డిమాండ్ బాగా పెరుగు తుంది. ఆర్థికంగా కూడా ఒక తిరుగులేని స్థాయికి చేరుకుంటారు. పిత్రార్జితం కలిసి వస్తుంది. నిరుద్యోగులకు ప్రభుత్వ ఉద్యోగం లభించే అవకాశం ఉంది. ప్రభుత్వ ఉద్యోగాలకు సంబంధించిన పోటీ పరీక్షలు, ఇంటర్వ్యూల్లో ఘన విజయాలు సాధించడం జరుగుతుంది. ఆరోగ్యం దృఢంగా ఉంటుంది. కర్కాటకం: ఈ రాశికి ధన స్థానంలో శుక్రుడి సంచారం వల్ల, ఆదాయం ఇబ్బడిముబ్బడిగా పెరిగే అవకాశం ఉంటుంది. ఆదాయాన్ని అనేక విధాలుగా సద్వినియోగం చేయడం కూడా జరుగుతుంది. ఇంటా బయటా మాటకు విలువ పెరుగుతుంది. ఉద్యోగంలో జీతభత్యాలు, వృత్తి, వ్యాపారాల్లో రాబడి అంచనాలకు మించి పెరిగే అవకాశం ఉంది. వృత్తి, ఉద్యోగాల్లో ఒత్తిడి, పని భారం నుంచి విముక్తి లభిస్తుంది. కుటుంబంలో సుఖ సంతోషాలు నెలకొంటాయి. అనేక శుభవార్తలు వినడం జరుగుతుంది. తుల: ఈ రాశినాథుడైన శుక్రుడు లాభ స్థానంలో సంచారం చేస్తున్నందువల్ల ప్రతి పనీ, ప్రతి ప్రయ త్నమూ సఫలం అవుతాయి. ఆదాయ మార్గాలు బాగా విస్తరిస్తాయి. అనుకున్న పనులు అనుకు న్నట్టు పూర్తవుతాయి. లాభదాయక పరిచయాలు ఏర్పడతాయి. ఆస్తి, గృహ సంబంధమైన ఒప్పందాలు కుదురుతాయి. ఆస్తి వివాదం పరిష్కారమై, విలువైన ఆస్తి కలిసి వస్తుంది. రాజకీయాలు, పాలనలు బాగా అనుకూలిస్తాయి. కుటుంబంలో శుభ పరిణామాలు చోటు చేసుకుంటాయి. వృశ్చికం: ఈ రాశికి ఉద్యోగ స్థానంలో శుక్ర సంచారం వల్ల కెరీర్ పరంగా కొన్ని కీలకమైన శుభ పరిణామాలు చోటు చేసుకుంటాయి. వృత్తి, ఉద్యోగ, వ్యాపారాల్లో తక్కువ శ్రమతో ఎక్కువ ఫలితం పొందడం జరు గుతుంది. నిరుద్యోగులకు, ఉద్యోగులకు కొత్త లాభదాయక ఆఫర్లు అందుతాయి. సంపన్న కుటుం బానికి చెందిన వ్యక్తితో పెళ్లి సంబంధం కుదురుతుంది. ఆదాయ వృద్ధికి సంబంధించి ఏ ప్రయత్నం తలపెట్టినా తప్పకుండా విజయం సాధించడం జరుగుతుంది. ఆశించిన శుభవార్తలు వింటారు. ధనుస్సు: ఈ రాశికి భాగ్య స్థానంలో శుక్ర సంచారం వల్ల జీవితంలో ఎదురు చూడని శుభ పరిణామాలు అనేకం చోటు చేసుకుంటాయి. కెరీర్ పరంగానే కాకుండా ఆదాయపరంగా కూడా జీవితం ఉచ్ఛ దశకు చేరుకుంటుంది. ప్రముఖులతో పరిచయాలు పెరుగుతాయి. విదేశీయానానికి సంబంధించిన ఆటంకాలు తొలగుతాయి. విదేశాల్లో స్థిరత్వం లభిస్తుంది. నిరుద్యోగులకు, ఉద్యోగులకు విదేశాల నుంచి ఆఫర్లు, ఆహ్వానాలు అందుతాయి. ఆరోగ్యానికి లోటుండదు. అనేక శుభవార్తలు వింటారు.
2024-07-27T12:57:52Z
సముద్రం అడుగున ఏసుక్రీస్తు విగ్రహం.. దీనిని వెనుక రహస్యం ఏంటంటే..!
ఇటలీకి సమీపంలోని సముద్రంలో ఉన్న 15 మీటర్ల ఎత్తున్న క్రీస్తు విగ్రహం ఎంతో ప్రసిద్ధి చెందింది. ఇది డైవర్లకు సెంటర్ ఆఫ్ అట్రాక్షన్ గా నిలుస్తోంది. సామాన్యులు కూడా దీన్ని చూడటానికి ఇష్టపడతారు, చాలా మంది దాని దగ్గరకు వెళ్లి వివాహం చేసుకోవాలనుకుంటారు. క్రైస్ట్ ఆఫ్ ది అబ్యస్ విగ్రహం నీటి అడుగున ఉన్న శిల్పం. సముద్ర లోతుల్లో చేతులు చాచి నిలబడిన యేసుక్రీస్తు అద్భుతమైన విగ్రహం. ఇది డైవర్లకు మరియు సముద్ర జీవులకు శాంతి, భద్రతకు దీనిని చిహ్నంగా భావిస్తుంటారు. మధ్యదరా సముద్రంలో మునిగిపోయిన యేసుక్రీస్తు కాంస్య విగ్రహాన్ని క్రీస్తు ఆఫ్ ది అగాధం అంటారు. లోతుల్లో అన్వేషించే డైవర్లకు ఇది ఆశ మరియు భద్రతకు చిహ్నంగా పనిచేస్తుంది. క్రైస్ట్ ఆఫ్ ది అగాధాన్ని ఇటాలియన్ కళాకారుడు గైడో గాలెట్టి సృష్టించాడు. డైవర్లను గౌరవించడమే వారి ఉద్దేశం. క్రైస్ట్ ఆఫ్ ది ది అబ్యస్.. అసలు విగ్రహం ఇటలీ తీరంలో ఉన్నప్పటికీ, దానికి మరో రెండు ప్రతిరూపాలు తయారు చేశారంట. వాటిలో ఒకటి ఫ్లోరిడాలోని కీ లార్గో తీరంలో, మరొకటి గ్రెనడాలోని సెయింట్ జార్జ్ లో ఉంచారంట. ఇటలీలోని ఈ విగ్రహాన్ని చూడాలంటే మీకు తగినంత ధైర్యం ఉండాలి.. అది సముద్ర గర్భం నుండి 15 మీటర్ల లోతులో ఉంది. ఇటలీలోని క్రైస్ట్ ఆఫ్ ది అబ్యస్ ప్రతి సంవత్సరం వేలాది మంది డైవర్లను ఆకర్షిస్తుంది. నేడు ఈ ఐకానిక్ విగ్రహం ప్రపంచవ్యాప్తంగా ఉన్న డైవింగ్ ఔత్సాహికులను ఆకర్షిస్తున్న ఇష్టమైన డైవింగ్ గమ్యస్థానం. క్రైస్ట్ ఆఫ్ ది అబ్యస్ యొక్క క్రీస్తు చుట్టూ శక్తివంతమైన పగడపు దిబ్బ ఉంది. జాన్ పెన్నెకాంప్ కోరల్ రీఫ్ స్టేట్ పార్క్ లో ఉన్న క్రిస్ట్ ఆఫ్ ది అబిస్ యొక్క కీ లార్గో ప్రతిరూపాన్ని రంగురంగుల పగడపు నిర్మాణాలతో అందంగా అలంకరించారు, ఇది డైవర్లకు ఆకర్షణీయమైన నేపథ్యాన్ని అందిస్తుంది. క్రైస్ట్ ఆఫ్ ది అగాధం నీటి అడుగున వివాహాలకు ప్రసిద్ధ ప్రదేశం. డైవర్లు సాధారణంగా అబ్యస్ యొక్క క్రీస్తును అభిమానం, భక్తితో చూస్తారు. గౌరవం మరియు కృతజ్ఞతా ప్రదర్శనలో, డైవర్లు సాధారణంగా శిల్పానికి మరియు శిలువలు, మతపరమైన అవశేషాలు మరియు వ్యక్తిగత వస్తువులు వంటి చిన్న స్మారక చిహ్నాల విస్మయకరమైన నీటి అడుగున ప్రపంచానికి కనెక్షన్ కనుగొనడానికి ప్రయత్నిస్తారు. కళ, మతం, ప్రకృతి కారణంగా ఈ క్రీస్తు విగ్రహం సాంస్కృతిక చిహ్నంగా నిలిచింది. ఇది విభిన్న వ్యక్తులను ఏకతాటిపైకి తీసుకురావడానికి సహాయపడుతుంది. చాలా మంది డైవర్లు ఈ విగ్రహాన్ని చూడటానికి ఇంట్రెస్ట్ చూపిస్తారు. సముద్రం అడుగున దృఢంగా నిలబడిన క్రీస్తు ఆఫ్ ది అబీస్ మానవాళి సవాళ్లను అధిగమించి విజయం సాధించే సామర్థ్యానికి ప్రతీకగా నిలుస్తోంది.
2024-07-26T15:39:46Z
తెల్ల జిల్లేడు చెట్టు వేరు నుంచి ఉద్భవించిన గణపతి
మన దేవతాగణంలో ప్రథముడైన గణపతిని విజ్ఞాలను తొలగిపోయేందుకు ఆరాధించడం వేద కాలం నుంచి వస్తున్న సాంప్రదాయం. ఎవరు ఏ దేవతను ఆరాధించిన ముందుగా కొలిచేది మాత్రం గణపతినే జ్ఞాన నిర్వాణ ప్రదాయకుడు వినాయకుడు. అలాంటి వినాయకుడిని ప్రకృతి స్వరూపుడిగా మనం ఆరాధిస్తాం.ఆయన ఆకృతిని ప్రకృతిలోని అంశాలకు ప్రతిఫలాలుగా సంభవిస్తాం. ఆ ప్రతీకగానే శ్వేతార్క మూలంగా అనగా తెల్ల జిల్లేడు వృక్షకాండంగా ఆ వినాయక మూర్తి ఆవిర్భవించాడు. ప్రకృతికి తనకి అభేదమని స్వామి చాటి చెప్పాడు. సహజ సిద్ధమైన స్వేతార్కముల గణపతి ఆలయం హనుమకొండ జిల్లా కాజీపేటలో కొలువై ఉంది. ఈ ఆలయం భక్తులను విశేషంగా ఆకర్షిస్తుంది.ఈ ఆలయం భక్తుల పాలిట ఆధ్యాత్మిక దామంగా వెలుగొందుతుంది. రెండంచెలుగా ఉండే ఆలయం సువిశాలంగా ఉంటుంది. శ్వేతం అనగా తెలుపు,అర్కము అనగా జిల్లేడు, మూలము అనగా వేరు. తెల్ల జిల్లేడు చెట్టు వంద సంవత్సరాలు పెరిగితే ఆ చెట్టు వేరు మూలంలో గణపతి రూపం తయారవుతుందని నారద పురాణంలో చెప్పబడింది. తెల్ల జిల్లేడు వేరు మొదల నుంచి ఉద్భవించింది కనుక ఇక్కడ శ్వేతార్క మూల గణపతి అంటారని ఆలయ అర్చకులు సాయి కృష్ణ శర్మ తెలిపారు.ఈ విగ్రహాన్ని చెక్కడం కానీ మలచడం కానీ చేయలేదు. స్వయంగా భూమి నుంచి పుట్టిన శ్వేతార్క గణపతికి నేత్రాలు, నుదురు, మోచేయి, అరచేయి, సుఖాసనం, కల్పం అన్ని స్పష్టంగా కనబడుతున్నాయి. అయితే అయినవోలు అనంత మల్లయ్య శర్మ 2009లో ఈ దేవాలయాన్ని నిర్మించినట్లు తెలిపారు. ఒకనాడు కాణిపాకంలోని గణపతి దేవాలయాన్ని దర్శించుకున్న మల్లయ్య శర్మ, కాణిపాకం నుంచి తిరిగి వచ్చాక కాజీపేట సమీపంలోని సాయిబాబా దేవాలయంలో పూజారిగా సేవ చేయడం ప్రారంభించాడు. 1999 ఏప్రిల్ 20న మల్లయ్య శర్మ నిద్రిస్తున్న సమయంలో తన కలలో శ్వేతార్క మూల గణపతి దర్శనమిచ్చాడు. నల్గొండలోని ఓ అడవి ప్రాంతంలో తెల్ల జిల్లేడు చెట్టు వేరులో ఉన్నట్లు అతనికి కలలో కనిపించగా, పీఠాధిపతుల సూచన మేరకు మరుసటి రోజు ఆ ప్రాంతానికి వెళ్లి ఆ స్వామి వారిని జిల్లేడు చెట్టు వేర్లలో కనుగొన్నాడు. ఆ స్వామి వారిని అక్కడి నుంచి కాజీపేటకు తీసుకువచ్చి ఈ ఆలయంలో ప్రతిష్టించి పూజలు చేయడం ప్రారంభించారు. 2009లో విష్ణుపురిలో ఉత్తర, దక్షిణ ప్రాంతాల్లో కనిపించేలా దేవాలయం నిర్మాణం చేసి ఐదుగురు పీఠాధిపతుల సమక్షంలో గణపతి విగ్రహాన్ని ప్రతిష్టించి ఆ విగ్రహానికి పద్దెనిమిదిన్నర కిలోల వెండి కవచాన్నీ అమర్చారు. ఆ గణపతి 64 రూపల్లో ఈ శ్వేతార్కముల గణపతి ఒక రూపమని అర్చకులు సాయి కృష్ణ శర్మ చెప్పారు. ఈ స్వామివారికి సర్వ అవయవాలు సంపూర్ణంగా ఉంటాయని,ఇలాంటి శ్వేతార్క మూల గణపతి ఆలయం ఆసియా ఖండంలోనే ఎక్కడా లేదన్నారు. నిత్యం ఎంతోమంది భక్తులు వచ్చి ఈ స్వామి వారిని దర్శించుకుంటారని తెలియజేశారు.
2024-07-26T05:53:02Z
